FLASH
Shkruar nga Pamfleti
Pas SHBA dhe BE të cilët reaguan në lidhje me kërcënimin me jetë të dy prokuroreve Doloreza Musabelliu dhe Merita Selimi, një reagim ka ardhur edhe nga Ambasada e Mbretërisë së Bashkuar në lidhje me këto kërcënime.
Me anë të një njoftimi, Mbretëria e Bashkuar bën thirrje që të gjithë ata që punojnë në sistemin e drejtësisë të jenë të lirë për të kryer detyrat e tyre.
"Mbretëria e Bashkuar shpreh shqetësimin lidhur me kërcënimet kundër hetuesve, prokurorëve dhe gjyqëtarëve në Shqipëri. Të gjithë ata që punojnë në Sistemin e Drejtësisë duhet të jenë të lirë të kryejnë punën e tyre, pa frikë apo favore. Mbretëria e Bashkuar do të vazhdojë t’i mbështesë ata në misionin e tyre jetik për të garantuar sigurinë e qytetarëve shqiptarë.", thuhet në njoftimin e ambasadës.
Ka qenë i penduari i drejtësisë, Artan Tafani, pjesë e bandës së vrasësve me pagesë të Laert Haxhisë, i cili ka rrëfyer planet e grupit për eliminimin e prokurores së SPAK, Doloreza Musabelliu dhe ish-prokurores së Lushnjës Merita Selimi si dhe një avokat.
Lini një Përgjigje