FLASH
Shkruar nga Pamfleti
Një protestuese ka bërë një denoncim publik gjatë protestës së 16-të që po zhvillohet para Kryeministrisë, ku tha se qytetarët që marrin pjesë në tubime po përballen me telefonata intimiduese dhe presione për të mos dalë në protestë.
Nga podiumi i vendosur në Bulevardin “Dëshmorët e Kombit”, ajo deklaroi se pavarësisht këtyre përpjekjeve, protestuesit nuk do të tërhiqen dhe do të vijojnë qëndresën e tyre.
“Nuk do të ndalemi nga telefonatat intimiduese që marrim çdo ditë, frika ka vdekur prej kohësh, ne nuk do të dorëzohemi. Poshtë patronazhistët”, deklaroi ajo para protestuesve.
Deklarata e saj u prit me duartrokitje dhe thirrje mbështetëse nga të pranishmit, ndërsa protesta vijoi me mesazhe kundër qeverisë dhe kërkesa për ndryshim politik.
Protesta e sotme shënon ditën e 16-të të mobilizimit qytetar në Tiranë. Gjatë tubimeve të fundit, pjesëmarrës të ndryshëm kanë artikuluar akuza për presione dhe intimidime, ndërsa organizatorët kanë bërë thirrje për vijimin e protestave dhe ruajtjen e karakterit paqësor të tyre.
Te kete kujdes populli nga kercenimet e te ruaje gjakftohtesine se, maskarenjte ne fuqi ate duan, te irritojne popullin deri ne piken, 'merrjani e rrembeni ato arme atij qeni' e te behet kasaphane si ne 1997en. Beni kujdes asnje irritim e dhune.