FLASH
Shkruar nga Pamfleti
Pavarësisht se disa javë më parë Rama kërkoi angazhim maksimal për sezonin turistik në Vlorë, gjërat duket se janë destinuar për të shkuar keq. Prej disa orësh, qyteti i Vlorës po përballet me mungesë të energjisë elektrike në disa zona, përfshirë edhe
Lungomaren, një nga zonat më të frekuentuara turistike në qytet gjatë sezonit veror. Sipas burimeve, ndërprerja është shkaktuar nga një avari në rrjet, por ende nuk ka një afat zyrtar për rikthimin e energjisë.
Ndërkohë, mungesa e energjisë ka shkaktuar shqetësim te bizneset turistike që operojnë përgjatë vijës bregdetare, të cilat ndodhen në kulmin e sezonit dhe mbështeten tërësisht në energjinë elektrike për ofrimin e shërbimeve.
Autoritetet lokale nuk kanë dhënë ende një njoftim zyrtar mbi shkallën e defektit apo kohën e saktë kur pritet zgjidhja e problemit.
Lini një Përgjigje