Aktualitet30 Nëntor 2023, 09:38

Rëshqitje dherash në rrugën Klos-Qafë Buall, rrezikohen disa banesa; banorët apelojnë për ndihmë

Shkruar nga Pamfleti

Rëshqitje dherash në rrugën Klos-Qafë Buall, rrezikohen disa

Moti i keq dhe reshjet e dendura të shirave të rëna ditët e fundit kanë shkaktuar probleme të ndryshme në Qarkun e Dibrës.

Si pasojë e reshjeve të shiut një masiv i madh dheu mbuloi rrugën nacionale Klos-Qafë Buall në fshatin Kloskatund.

Për pasojë qarkullimi i mjeteve në këtë segment rrugor u bllokua për disa orë. Rrëshqitja e dherave vijon t’i afrohet edhe disa banesave.

Çarja e tokës duket si të ishte bërë nga një tërmet i fuqishëm. Banorët që jetojnë aty pranë apelojnë për ndihmë që të ndërhyhet sa më shpejt pasi rrëshqitja mund të vijojë dhe t’ju rrezikojë shembjen e shtëpive.