FLASH
Shkruar nga Pamfleti
Dje u zyrtarizua përfundimisht, gara për zgjedhjen e kreut të ri të drejtorit të Byrosë Kombëtare të Hetimit, ku komisioni i më të vjetërve në SPAK që përbëhet nga Altin Dumani, Arben Kraja dhe Behar Dibra, propozuan emrin e Joni Ketës në Këshillin e Lartë të Prokurorisë.
Propozimi nuk ka qenë me vota unanime, por anëtarët e këtij komisioni janë ndarë në preferencat e kandidatëve. Siç mëson gazetari Elton Qyno, Altin Dumani dhe Arben Kraja kanë votuar pro propozimit në KLP të kandidaturës së oficerit Joni Keta.
Ndërsa anëtari tjetër i këtij komisioni, Behar Dibra, është ndarë nga dy anëtarët e tjerë, duke votuar për kandidaturën e Oficerit të Policisë Gjyqësore, Gentjan Ndoj.
Mësohet se pas votimit, Dumani dhe Keta kanë zhvilluar një takim në zyrën e tij, ku kreu i SPAK, e ka uruar për daljen fitues dhe marrjen e detyrës për një mandat 5 vjeçar.
Pritet që emërimi zyrtar i Joni Ketës në krye të Byrosë Kombëtare të Hetimit të “noterizohet” në datën 2 dhjetor nga anëtarët e Këshillit të Prokurorisë.
Kur treshia e SPAK nuk ka dalë me vendimarrje kolegjiale, atëhere KLP mund të shtoi edhe një kandidat tjetër dhe të votohet për tre kandidatë. Fitues besoj do dali Gledis Nano.
Fituesi ishte i paracaktuar. Drejtesi "e re" me ustallare te vjetet!