FLASH
Shkruar nga Pamfleti
Ura e Metoqit ka pësuar dëmtime të rënda pas përmbytjeve të ditëve të fundit.
Ura shërben për lidhjen e zonës bujqësore të fushave të Metoqit, ku ndodhen edhe disa magazina bujqësore dhe shtëpi banimi.
Ura është e rindërtuar pasi para tre vitesh pësoi shembje.
Forcat e Emergjencave Civile kanë inspektuar urën për të parë nga afër dëmtimet dhe mundësitë e rikonstruksionit sa më të shpejtë.
Ndërkohë moti i keq ka ‘gjunjëzuar’ Shqipërinë prej ditësh teksa reshjet intensive të shiut kanë shkaktuar përmbytje masive në toka e banesa nga veriu në jug të vendit.
Situata është raportuar problematike dhe në qarkun e Fierit ndërsa sipas përditësimeve të fundit, gjendja po shkon drejt normalizimit. Drejt normalizimit është dhe situata në qarkun e Korçës. Sot gjithashtu do të bëhet dhe shpërndarja e ndihmave për të gjitha familjen e prekura nga përmbytjet banesat e të cilëve janë dëmtuar rëndë.
Niveli i lumit të Vjosës, Semanit dhe Shkumbinit është në rënie ndërsa ujërat kanë filluar të tërhiqen dhe nga tokat bujqësore. Ndërkohë dëbora e parë ka rënë në qarkun e Korçës duke zbardhur malësinë e Dardhës, Vithkuqit dhe Shtyllës. Deri më tani situata nuk paraqitet problematike pasi reshjet nuk janë intensive ndërsa në rrugë ndodhen dhe borëpastrueset.
Lini një Përgjigje