FLASH
Shkruar nga Pamfleti
Përveç kësaj vjedhjeje të sajuar 10 ditë pas zgjedhjeve lokale, skandali thellohet më tej, kur mëson se ky tender me vlerë totale 1 miliardë e 980 milionë lekë, oligarkut Pëllumb Salillari i është dhënë për të evituar erozionin nga lumenjtë përgjatë rrugës Milot- Morinë, kur vetë Salillari ua ka shkatërruar shtretërit duke nxjerrë zhavorr, gurë e rërë...
Ka kaluar në heshtje të plotë, super-vjedhja nëpërmjet një tenderi dhënë oligarkut Pëllumb Salillari para 15 ditësh, nga Drejtori i Rrugëve, Evis Berberi, për të garantuar mbrojtjen e rrugës Milot-Morinë në pjesët ku lumenjtë shkaktojnë erozion të tokës.
Nuk do shumë mendje, të kuptohet që këto miliarda lekë, Pëllumb Salillarit i janë dhënë me urdhër të Edi Ramës, si rimbursim për financimin e fushatës dhe blerjen e votave në 5 bashkitë e Qarkut-Berat, ndërsa Belinda Balluku dhe drejtori i Rrugëve, Evis Berberi kanë zbatuar urdhrin.
Por shefi i SPAK, Altin Dumani dhe “trimat” e tij, nuk zgjohen kur “gjëmojnë” vjedhjet e Pëllumb Salillarit, megjithëse e kanë subjekt me 3 kallëzime: për shkatërrimin e kanionit Sinec në Lumas; ndërtim pallatesh pa leje në Tiranë e për krim zgjedhor në Kuçovë më 14 maj.
Dumani i SPAK, duhet të zgjohet edhe për këtë tender, sepse është dhënë me 3 shkelje të tjera të rënda:
1. Sipas informacionit nga Ministria e Financave, detyrimin për mbrojtjen nga erozionet lumore deri 3 metër pranë anës së traseve të rrugëve e ka vetëm Ministria e Bujqësisë, por me urdhër të Bablokut, drejtorisë së Rrugëve i kaluan 2 miliardë lekë shtesë, për të sajuar tenderin e Salillarit.
2. Është tmerr edhe ta mendosh, o Duman i SPAK, por po të vëmë në dijeni, se ky tender i është dhënë firmës “Salillari”, me vlerë 740 milionë lekë me tepër se oferta më e ulët.
Po e faktojmë: nga 9 kompani pjesëmarrëse në tender, 5 kompani ofruan oferta nga 10%-40% më të ulëta se Salillari, dhe ja konkretisht:
Firma “Salillari” u shpall fituese me ofertën 1 miliardë e 980 milionë lekë me TVSH, ndërsa grupi i firmave “DESARET” ofroi 1 miliardë e 190 milionë lekë me TVSH, por u skualifikua megjithëse plotësonte të gjithë kriteret.
Pra, oligarkut Pëllumb Salillari, ministresha Balluku e Visi i rrugëve, ia dhanë tenderin me ofertë 740 milionë lekë me tepër, paçka se oferta më të ulëta, nga 85 milionë lekë deri në 560 milionë lekë më pak se Salillari, paraqitën edhe 4 firma të tjera.
Përveç kësaj vjedhjeje të sajuar 10 ditë pas zgjedhjeve lokale, skandali thellohet më tej, kur mëson se ky tender, oligarkut Pëllumb Salillari i është dhënë për të evituar erozionin nga lumenjtë përgjatë rrugës Milot-Morinë, kur vetë Salillari i ka shkatërruar shtretërit e lumenjve duke nxjerrë zhavorr, gurë e rërë pa leje.
Pra, në vend që Salillari të arrestohet e gjobitet, dorovitet nga qeveria me afro 2 miliardë lekë.
A do merret SPAK me këtë biznesmen mashtrues e sharlatan, të zhytur në korrupsion, grabitje trojesh, ndërtime pa leje, krim financiar e krime zgjedhor, i kapur me zë e figurë duke blerë vota në Kuçovë e Urën Vajgurore më 14 maj?/Pamfleti
Lini një Përgjigje