FLASH

TAGS-AT E DITES

pellumb salillari

Na ndiqni edhe në
KONTAKT TE DHENAT PERSONALE COOKIES
Pëllumb Salillari batërdi me ndërtimet pa leje, Rama i sekuestron pallatin 20 mijë metër katror - Aktualitet

TAGS-AT E JAVËS

Aktualitet 9 Nëntor 2022, 20:09

Pëllumb Salillari batërdi me ndërtimet pa leje, Rama i sekuestron pallatin 20 mijë metër katror

Shkruar nga Pamfleti

Ajo që vihet re është se Salillari ka bërë namin me ndërtimet pa leje. Oligarku nuk ka lënë pjesë toke të gjelbër në Tiranë, pasi ka ndërtuar pa hesap në shkelje flagrante të ligjit.

Oligarkut Pëllumb Salillari ka filluar t’i bjerë kalaja nga brenda. Pas puthjes që i dha Rama në ballë, oligarku nisi të ndërtonte kate pa leje në të gjitha zonat e Tiranës, por duket se dhe e mira kaq e pati.

Këshilli Kombëtar i Territorit ka zhvilluar një mbledhje ditën e sotme dhe ka vendosur që Salillarit t’i sekuestrohet një objekt me sipërfaqe rreth 20 mijë metër katror dhe me një vlerë afro 12 milionë euro. Pallati është ndërtuar pranë Kopshtit Zoologjik në Tiranë.

“Për konfiskimin për interes publik të objektit: “Godinë banimi dhe shërbimi 2, 4 dhe 6 kate, me 2-5 kate parkim dhe shërbime nëntokë”, me vendndodhje pranë Liqenit të Thatë (Kopshtit Zoologjik), Selitë, Bashkia Tiranë, me zhvillues shoqërinë “Salillari” sh.p.k”, thuhet në rendin e ditës së KKT.

Pak muaj më parë qeveria nxori një vendim, për konfiskimin e kateve dhe pallateve pa leje. Sipas këtij vendimi, oligarkët duhet t’i blejnë katet në fjalë, ndryshe i kalojnë në pronësi shtetit. Në mbledhjen e KKT janë parashikuar sekuestrime dhe në disa zona të tjera, por duket se po e pësojnë dhe miqtë e qeverisë.

Duhet theksuar se ky është rasti i dytë që e pëson Pëllumb Salillari, një nga klientët më të mëdhenj të qeverisë. Pak javë më parë u bllokua një pallat në Farkë me sipërfaqe 1.200 metër katror, i cili ishte po në pronësi të Salillarit. Në atë kohë ishte vetë Bledi Çuçi që propagandonte bllokimin e objektit.

“Në zbatim të vendimit të qeverisë, këtij subjekti do t’i vihen dy opsione në dispozicion. E para është të parablejë hapësirën e shtesës së lejes me çmimin e tregut të indeskuar dhe paratë do shkojnë në dispozicion të Agjencisë së Shpronësimeve. Opsioni i dytë është të dhurojë shtesat e katit dhe në këtë rast shkojnë në favor të entit të Banesave për të akomoduar entin social, dhe nëse nuk zgjedh asnjë nga këto opsione do konfiskohet për interes publik. Nëse zgjedh opsionet para, menjëherë fillon procedura e legalizimit dhe i gjithë objekti shkon për t’u legalizuar. Dhe shpëton nga ndjekja penale”, tha Çuçi.

Pra ajo që vihet re është se Salillari ka bërë namin me ndërtimet pa leje. Oligarku nuk ka lënë pjesë toke të gjelbër në Tiranë, pasi ka ndërtuar pa hesap në shkelje flagrante të ligjit. Megjithatë atij nuk do i hyjë gjemb në këmbë nga drejtësia, pasi ndryshe nga sa ndodh me qytetarët e thjeshtë, oligarkët nuk futen në burg. /Pamfleti

Për të rejat më të fundit behuni pjesë e grupit tonë VIRAL në facebook : PAMFLETI

Aktualitet pallat Rama sallilarri

Aktualitet