FLASH
Shkruar nga Pamfleti
Situata në centralin bërthamor të Bushehrit në Iran po përkeqësohet, paralajmëroi Alexei Likhachev, drejtori i përgjithshëm i korporatës shtetërore bërthamore ruse Rosatom.
Sipas tij, sulmet ndaj uzinës përbëjnë një kërcënim të drejtpërdrejtë për sigurinë bërthamore.
Paralajmërimi vjen pasi centrali i parë bërthamor i Iranit u vu në shënjestër të sulmeve gjatë kësaj jave. Agjencia Ndërkombëtare e Energjisë Atomike deklaroi të enjten se sulme të tilla mund të “rezultojnë në një aksident të madh radiologjik”.
Rusia përfundoi ndërtimin e impiantit të Bushehrit, i cili hyri në funksion në vitin 2011. Centrali furnizohet me uranium të prodhuar në Rusi.
Edhe Kremlini i dënoi sulmet, duke i cilësuar ato “jashtëzakonisht të rrezikshme”. Në të njëjtën kohë, Rusia është përballur vazhdimisht me akuza për sulme të pamatura pranë objekteve bërthamore gjatë luftës në Ukrainë.
Lini një Përgjigje