FLASH
Shkruar nga Pamfleti
Sekretari amerikan i Shtetit Antony Blinken e quajti tërheqjen e Rusisë nga marrëveshja e grurit në Detin e Zi, një vendim ”të pandërgjegjshëm”.
Në një deklaratë për mediat Blinken tha se marrëveshja duhet “të rivendoset sa më shpejt që të jetë e mundur.
“Shpresoj që çdo vend po e shikon këtë nga afër. Ata do të shohin se Rusia është përgjegjëse për refuzimin e ushqimit për njerëzit që kanë nevojë dëshpërimisht për të në mbarë botën dhe për të kontribuar në rritjen e çmimeve në një kohë kur shumë vende vazhdojnë të përjetojnë inflacion shumë të vështirë”, u shpreh ai të hënën në Departamentin e Shtetit.
Diplomati i lartë amerikan deklaroi se marrëveshja nuk duhej të ishte e nevojshme në radhë të parë dhe u bë e tillë vetëm pasi Rusia filloi luftën e saj në Ukrainë.
Blinken tha se ukrainasit, SHBA-ja dhe të tjerët do të shikojnë nëse ka “ndonjë opsion tjetër” për të transportuar drithë në mënyrë të sigurtë përmes Detit të Zi në treg.
Lini një Përgjigje