FLASH
Shkruar nga Pamfleti
Donald Trump i kryqëzuar. Në qendër të Bazelit, pranë një zone për këmbësorë, është instaluar një skulpturë që përshkruan Presidentin amerikan të veshur me një kostum portokalli, të lidhur në një kryq të bardhë.
Nga pamja duket se instalacioni është i vendosur në një tavolinë, në pritje të një injeksioni vdekjeprurës, ndërsa kryqëzimi është i ngjashëm me atë të një shenjtori.
Vepra e titulluar "Shenjt apo Mëkatar" është krijuar nga artisti britanik Mason Storm dhe ka shkaktuar mjaft bujë.
Instalacioni u prezantua nga galeria Gleis 4 me seli në Zug. Galeria fillimisht kishte planifikuar ta ekspozonte skulpturën në stacionin e trenit SBB të Bazelit, por më pas vendosi ta ndryshonte vendndodhjen për arsye sigurie dhe për të shmangur problemet e mundshme të mbipopullimit.
Vendndodhja e re u zgjodh në hapësirën ekspozuese Basler Kunstmeile, e vendosur në zemër të qytetit. Vepra do të jetë e arritshme për publikun duke filluar nga e shtuna dhe do të qëndrojë e ekspozuar për dy javë.
Debati është i nxehtë në internet. Mbështetësit e Trump e kanë kritikuar instalacionin, por shumë qytetarë zviceranë e konsiderojnë atë të tepruar. Të intervistuar nga "20 Minuten", disa banorë thanë se idea "shkon shumë larg".
Lini një Përgjigje