FLASH
Shkruar nga Pamfleti
Kryeministri Polak, Donald Tusk deklaroi se Vladimir Putin po “orkestron” përçarjet midis Ukrainës dhe Polonisë. Ai theksoi se duhet durim, teksa paralajmëroi se një "zgjidhje" e luftës në Ukrainë po afron.
Tusk kërkoi që dy vendet të mos bien pre e përçarjeve dhe provokimeve që po mbjell Putini mes Kievit dhe Varshavës. Sipas kryeministrit polak, këto përçarje nxiten nga disa idiotë vendas që pavetëdije i shërbejnë Moskës.
“Rusia po bën gjithçka për të mbjellë përçarje midis Kievit dhe Varshavës. Gjestet anti-polake nga ukrainasit dhe nxitja e ndjenjave anti-ukrainase në Poloni janë skenari i Putinit, i orkestruar nga agjentë të huaj dhe idiotë vendas. Gjithmonë të njëjtët”, tha Tusk.
Polonia ka qenë një nga mbështetëset më të forta të Ukrainës që kur Rusia e pushtoi në vitin 2022, por disa polakë janë lodhur nga refugjatët nga fqinji i tyre i shkatërruar nga lufta.
Më 9 gusht, të paktën 57 ukrainas u raportuan se u arrestuan dhe u dëbuan pas trazirave në një koncert repi bjellorus në Varshavë.
Lini një Përgjigje