FLASH
Shkruar nga Pamfleti
Në sfondin e intensifikimit të sulmeve ruse, sot u mbajt në Romë konferenca dy-ditore për Rimëkëmbjen e Ukrainës (URC2025) , një aktivitet vjetor për të riafirmuar solidaritetin me Kievin, angazhimin e donatorëve dhe mbështetjen e Evropës në një kohë kur rreziku i tërheqjes amerikane duket i lartë.
Franca dhe Mbretëria e Bashkuar janë gati të "koordinojnë" mbrojtjen e tyre bërthamore dhe të mbrojnë Evropën nga çdo "kërcënim ekstrem".
Presidenti francez Emmanuel Macron tha do të nënshkruajë një deklaratë të përbashkët me Kryeministrin britanik Keir Starmer, ndërkohë që Rusia vazhdon të godasë Kievin.
Pjesëmarrësit në konferencën për rimëkëmbjen ekonomike të Ukrainës ndërkohë kanë premtuar më shumë se 10 miliardë euro për të ndihmuar vendin e goditur nga lufta, deklaroi sot Kryeministrja e Italisë, Giorgia Meloni.
“Në besoj se duhet të ndihemi krenarë për rezultatin që arritëm sot së bashku, shtete, organizata ndërkombëtare, institucione financiare, autoritete lokale, sektori i biznesit dhe shoqëria civile,” u shpreh Meloni në fjalën e saj hapëse në konferencë.
Meloni deklaroi se “së bashku, në konferencën e sotme, kemi marrë angazhime që në total kapin shifrën e mbi 10 miliardë eurove”.
“Ukraine Recovery Conference 2025”, Konferenca për Rimëkëmbjen e Ukrainës, është një nga forumet më të rëndësishme ndërkombëtare të këtij viti, në mbështetje të Ukrainës dhe rindërtimit të saj pas pasojave shkatërruese të luftës.
Pjesëmarrës janë liderët botërorë, përfaqësues të lartë të BE-së, G7-ës, organizatave ndërkombëtare, institucioneve financiare dhe sektorit privat, për të koordinuar ndihmën konkrete dhe investimet strategjike në sektorët kyç të Ukrainës.
Ndërkohë kancelari gjerman Friedrich Merz i bëri thirrje drejtohet Donald Trump të qëndrojnë përkrah me evropianët, sepse kanë të njëjtin qëllim.
"Kam dy mesazhe. I pari është shumë i drejtpërdrejtë dhe i thjeshtë për Putinin: ne nuk do të ndalemi së luftuari. Mesazhi i dytë i drejtohet Uashingtonit dhe i shkon Presidentit Trump: qëndroni me ne evropianët, kemi të njëjtin qëllim, një rend të qëndrueshëm politik dhe ekonomik. Të dashur amerikanë, qëndroni me ne sepse duam të krijojmë një histori të re për një të ardhme të përbashkët.", tha kancelari gjerman Friedrich Merz në fjalimin e tij në konferencën mbi rimëkëmbjen e Ukrainës në Romë, raporton La Repubblica.
Nga ana tjetër, lideri ukrainas Volodymyr Zelensky theksoi se Ukrainës i duhet një përpjekje "në stilin e aeroplanit Marshall" për të udhëhequr rindërtimin e saj, në dritën e përshkallëzimit të sulmit të Rusisë ndaj Ukrainës.
Gjatë Konferencës së Rimëkëmbjes së Ukrainës, Zelensky u tha udhëheqësve se sulmet e përditshme ruse përbëjnë "terrorizëm".
Duke filluar me falënderimin e mikpritësve dhe partnerëve për mbështetjen e Ukrainës, Zelensky theksoi më tej se ukrainasit tani përballen me sulme nga qindra dronë, çdo natë, duke e quajtur atë "terrorizëm të pastër".
"Kjo është pikërisht ajo që dëshiron Putini, që njerëzit tanë të vuajnë, të largohen nga Ukraina dhe që shtëpitë, shkollat, vetë jeta të shkatërrohet kudo, jo vetëm pranë vijave të frontit", tha ai.
Lini një Përgjigje