FLASH
Shkruar nga Pamfleti
Rusia mund t'i detyrojë eksportuesit e saj të rrisin një pjesë të fitimeve të huaja në rubla.
Vladimir Putin se ka mbajtur një takim urgjent për të diskutuar mbi kontrollet e monedhës shtetërore, ku shenja më e fundit tregon se lufta e Rusisë në Ukrainë po dëmton ekonominë e saj, shkruan "Independent".
Putin ka dëgjuar dje propozimet nga ministria ruse e financave. Një nga propozimet është për t’iu kërkuar eksportuesve që një pjesë të të ardhurave të tyre të huaja t’i kthenin në rubla.
Ky është propozimi i parë për rritjen e kontrollit të monedhës që po debatohet në Kremlin që nga pushtimi i plotë i Ukrainës.
Rubla e Rusisë është bërë një nga monedhat me performancën më të keqe në botë në muajt e fundit dhe banka qendrore e vendit ka ndërhyrë në përpjekje për të ndalur rrëshqitjen, duke përfshirë një rritje të jashtëzakonshme të normave të interesit prej 3.5 për qind.
Në frontin e fushëbetejës, forcat ukrainase ripushtuan dje fshatin Urozhaine nga trupat ruse në juglindje, por paralajmëruan se situata në frontin verilindor po përkeqësohej mes kundërsulmeve ruse.
Urozhaine përfaqëson fshatin e parë të rimarrë nga forcat e Kievit që nga 27 korriku, ndërsa trupat ukrainase përparojnë përmes linjave mbrojtëse ruse të minuara rëndë.
Lini një Përgjigje