FLASH
Shkruar nga Pamfleti
Ndërsa lufta zgjatet dhe bisedimet për paqe mbeten të bllokuara, frustrimi i presidentit ukrainas ndaj Perëndimit po bëhet gjithnjë e më i dukshëm…
Durimi i Volodymyr Zelenskyt duket se po shteron, dhe kjo po reflektohet gjithnjë e më qartë në deklaratat e tij publike.
Në javët e fundit, presidenti i Ukrainës ka ashpërsuar retorikën si ndaj kritikëve ashtu edhe ndaj aleatëve. Ai ka qortuar liderët evropianë për lëvizje të ngadalta në mbështetje të Ukrainës, ka hyrë në përplasje verbale me kryeministrin hungarez Viktor Orbán dhe ka vënë në pikëpyetje qasjen e Donald Trump ndaj luftës.
Ky ton më i fortë pasqyron frustrimin në rritje në Kiev, ndërsa bisedimet për paqe mbeten të bllokuara dhe mbështetja financiare për Ukrainën është në pasiguri. Megjithatë, edhe persona pranë Zelenskyyt paralajmërojnë se kjo retorikë mund të largojë pikërisht partnerët nga të cilët Ukraina varet për para, armë dhe mbështetje diplomatike.
Sipas një ish-këshilltari për politikë të jashtme të Zelenskyt, frustrimi po ndikon gjithnjë e më shumë në mesazhet publike të presidentit.
“Ky frustrim po e shtyn drejt një retorike më të ashpër,” tha ish-këshilltari, i cili kërkoi të mbetet anonim pasi ruan ende marrëdhënie të mira me liderin ukrainas.
“Është një cikël që po bëhet vetëshkatërrues,” shtoi ai.
Deputeti i opozitës ukrainase Mykola Kniazhytskyi tha se ndryshimi i tonit lidhet edhe me presionin ndaj Kievit në negociatat e bllokuara për paqe.
“Zelensky e kupton se nuk mund të sakrifikojë interesat kombëtare dhe të heqë dorë”, nga rajonet lindore të vendit, siç kërkon Kremlini, tha Kniazhytskyi, duke shtuar “kjo është arsyeja pse deklaratat e tij në komunikim me liderët perëndimorë janë bërë më të qarta dhe më të drejtpërdrejta.”
Ai shtoi se presidenti ukrainas po përpiqet gjithashtu të tregojë vendosmëri në planin e brendshëm.
“Në deklaratat e Zelenskyt mund të shihet një dëshirë për të ndikuar emocionalisht tek partnerët e përfshirë në negociata, por edhe një përpjekje për të forcuar pozicionin e tij politik brenda vendit si një mbrojtës i fortë i interesave kombëtare të Ukrainës”, tha ai.
Tensionet u bënë të dukshme javën e kaluar, kur Bashkimi Evropian kritikoi publikisht Zelenskyyn për komente që u interpretuan si kërcënim ndaj kryeministrit hungarez Viktor Orbán.
Zelensky kishte deklaruar se do t’u jepte ushtarëve ukrainas adresën e “një personi të caktuar”, në mënyrë që ata të mund të flisnin me të “në gjuhën e tyre”.
Edhe pse ai nuk e përmendi Orbanin me emër, shumë e interpretuan deklaratën si referencë ndaj liderit hungarez, i cili ka bllokuar një paketë kredie prej 90 miliardë eurosh të Bashkimit Evropian për Ukrainën, një fond që Kievi e konsideron jetik përpara se të përballet me mungesë parash në pranverë.
Orban ka zemëruar gjithashtu Zelenskyn me pretendimet se Ukraina ka ndalur qëllimisht rrjedhën e naftës ruse përmes tubacionit sovjetik Druzhba.
Përveçse irritoi Komisionin Evropian, i cili në një reagim të rrallë deklaroi se Zelensky nuk duhet të bëjë “kërcënime ndaj shteteve anëtare të BE-së”, komenti i presidentit ukrainas nuk u prit mirë as nga opozita hungareze dhe kritikët e Orbanit në Budapest.
Ata kanë frikë se Zelensky po futet në një përshkallëzim retorik që mund të përfitojë politikisht Orbanin në zgjedhjet parlamentare që priten në Hungari.
“Komenti i Zelenskyt ishte i pamenduar,” tha Peter Krekó nga “Political Capital”, një institut i pavarur kërkimor në Budapest.
“Edhe nëse mendon, siç mendoj unë, se qeveria hungareze po kontribuon në përshkallëzimin e situatës, për shembull me kërcënimet e Orbanit për të marrë naftën me forcë, deklarata e liderit ukrainas ishte shumë e papërgjegjshme”, shtoi ai.
Sipas tij, kjo përplasje i jep fushatës së Orbanit “provë” për pretendimet e saj se Ukraina po kërcënon Hungarinë.
Në një intervistë për Gordon Repinski të Politico dhe gazetën gjermane Welt, Zelensky i hodhi poshtë kritikat se po e ndihmon Orbánin politikisht dhe e akuzoi liderin hungarez se po rreshtohet me Moskën.
“Ai po qëndron në anën e liderit rus,” tha Zelenskyy, duke argumentuar se Orban ka tentuar të bllokojë sanksionet ndaj Rusisë dhe tranzitin e armëve perëndimore përmes Hungarisë.
Hungaria “nuk na ka ndihmuar kurrë me mbështetje ushtarake që nga fillimi i luftës”, shtoi ai, sepse “miqtë dhe partnerët strategjikë” të Orbánit janë në Rusi.
Sipas Zelenskyt, heshtja diplomatike nuk do ta ndryshonte këtë situatë.
Ai shprehu gjithashtu frustrim ndaj Bashkimit Evropian për mungesën e reagimit të fortë ndaj qëndrimit të Orbanit.
“Nuk pashë mesazhe të forta nga liderët evropianë”, tha ai, duke theksuar se përplasja nuk është personale, por lidhet me “jetët e ukrainasve dhe sigurinë e Ukrainës dhe të Evropës”.
Toni më i ashpër i Zelenskyt nuk është drejtuar vetëm ndaj kundërshtarëve si Orbani.
Në Forumin Ekonomik Botëror në Davos në shkurt, ai i befasoi liderët evropianë duke i qortuar për mungesë veprimi në mbështetje të Ukrainës dhe në forcimin e mbrojtjes evropiane.
“Shumë shpesh në Evropë diçka tjetër konsiderohet më urgjente”, tha ai, duke shtuar “Evropa pëlqen të diskutojë për të ardhmen, por shmang veprimin sot.”
Fjalimi, që erdhi një ditë pasi presidenti amerikan Donald Trump kishte kritikuar gjithashtu liderët evropianë, la shumë nga të pranishmit të habitur.
“Ishte mjaft befasuese,” tha Natia Seskuria, analiste në institutin britanik Royal United Services Institute. Sipas saj, Zelensky është i pakënaqur me mënyrën se si është mobilizuar mbështetja nga evropianët.
Zelensky ka kritikuar më parë liderët evropianë, sidomos në muajt e parë të luftës dhe edhe vitin e kaluar në Davos. Por këtë herë toni i tij ishte më i mprehtë dhe pothuajse ironik, ndërsa ai renditi një sërë ankesash, duke filluar nga vendimi i BE-së për të mos përdorur asetet ruse të ngrira për financimin e Ukrainës.
Presidenti ukrainas është bërë gjithashtu më pak i rezervuar në komentet për Donald Trump.
Kjo përbën një ndryshim nga kujdesi i madh që ai tregoi vitin e kaluar, pas një shkëmbimi të tensionuar në Zyrën Ovale, ku Zelensky doli nga skenari, pjesërisht pasi u provokua nga nënpresidenti amerikan JD Vance, i cili e akuzoi për mungesë mirënjohjeje.
Pas atij episodi, Zelensky ndoqi një strategji për të shmangur zemërimin e Trumpit, duke shpresuar se presidenti rus Vladimir Putin do të ishte i pari që do të refuzonte një marrëveshje paqeje.
Në përballjen diplomatike mes Zelenskyt dhe Putinit për të paraqitur tjetrin si pengesë për paqen, për një kohë dukej se lideri ukrainas po fitonte.
Pas përpjekjeve me kryeministrin britanik Keir Starmer dhe liderë të tjerë evropianë për të përmirësuar marrëdhëniet me Uashingtonin, Kievi besonte se kishte arritur një përparim kur Trump sinjalizoi gatishmëri për të marrë pjesë në garanci sigurie për Ukrainën pas luftës.
Megjithatë, në javët e fundit toni ka ndryshuar sërish.
Zelensky ka kritikuar publikisht përpjekjet e Trumpit për të ushtruar presion ndaj Kievit, ndërsa sipas tij Moska nuk po përballet me të njëjtin presion.
Ai e quajti këtë qasje “të padrejtë” dhe u ankua se Trump ende nuk ka ushtruar presion serioz ndaj Rusisë.
Në intervistën për Politico, Zelensky sugjeroi se Uashingtoni po neglizhon përgjegjësinë e Rusisë për luftën.
“Tani Presidenti Trump nuk po ngre çështjen e përgjegjësisë dhe askush nuk po flet për të,” tha ai.
Ai argumentoi gjithashtu se Ukraina tashmë ka bërë shumë kompromis në kërkim të paqes.
Zelensky nuk i ka shmangur as komentet ironike ndaj Trumpit. Kur presidenti amerikan kërkoi ndihmën e Ukrainës për të ndaluar dronët iranianë, Zelensky u pyet në një konferencë për shtyp nëse tani Ukraina, i ka letrat në dorë”.
“Më tregoni ju”, u përgjigj ai duke buzëqeshur.
Megjithatë, sipas ish-këshilltarit të tij për politikë të jashtme, kritikat e shtuara nuk kanë sjellë rezultate konkrete.
Javën e kaluar, përveç kritikës nga Komisioni Evropian, Trump përsëriti pretendimin e tij se Zelenskyy është pengesa kryesore për një marrëveshje me Rusinë.
Ai e përshkroi Vladimir Putinin si bashkëpunues dhe tha se lideri ukrainas “duhet të vihet në lëvizje” dhe të bëjë kompromis.
Ky shkëmbim tregon se sa shpejt mund të rezonojë retorika më e ashpër e Zelenskyyt përtej Kievit.
Në Uashington dhe në disa kryeqytete evropiane ekziston rreziku që kritikët e Ukrainës t’i përdorin këto deklarata për të përforcuar argumentin se Ukraina, dhe jo Rusia, po pengon arritjen e një marrëveshjeje paqeje.
“Ai duhet të jetë pak më i kujdesshëm kur kritikon aleatët”, tha Seskuria, duke shtuar “do të jetë thelbësore që Zelenskyy të ketë të gjithë aleatët evropianë në një linjë, veçanërisht për mënyrën se si do të përballen me administratën Trump”. /Përshtatur nga Politico/
Zelenski me kërcënimin që bëri na ka trëmb të gjithëve. Nëse Orban nuk pjerdh për kërcënimet e Zelenskit mos këta trimat e Zelenskit i vërsulen shtypit të lirë dhe qytetarëve që shfaqin mendime.Psh unë komentoj në portal me emër dhe mbiemër dhe them se po: Presidenti Tramp ka të drejtë . Proçesin e paqes po e pengon Zelenski. Ose psh mendoj se Zelenski u zgjodh me mbështetje të qarqeve sioniste me qëllim të futjes së SHBA dhe NATO-s në luftë me Rusinë. Por edhe si një përpjekje për hapjen e frontit të dytë në Europë ndërkohë që Gazianët të shfaroseshin, dhe Izraeli i madh ,qi këtu e qi atje të sanksionohej me ndihmën e SHBA, e cila garancitë dhe partneritetin me vëndet e gjirit dhe interesat e saj, ti neglizhonte dhe të ktheheh në një përmbaruese të vullnetit të sionizmit. Grisje e hartës së botës dhe topografi Netanjahu të krijonte hartën e re të shteteve. Zelenski është një humbës i madh. dhe një vegël qorre në duart e sionizmit. Mentorët e tij politikë janë humbës të mëdhenj gjithashtu.