FLASH
Shkruar nga Pamfleti
Një fotomontazh që paraqet Donald Trump të veshur si Papa u postua në llogaritë e mediave sociale të Shtëpisë së Bardhë disa ditë para fillimit të Konklavës që do të nisë më 7 maj.
Pas publikimit të saj shumë komentues e cilësuan Trump qesharak, ndërsa të tjerë thanë se ai po tallej me vdekjen e Papa Françeskut.
Vetëm pak ditë më parë Trump gjatë një fjalimi të mbajtur në kuadër të 100 ditëve të tij si president i SHBA u shpreh se do donte të ishte Papë, duke thënë me ironi se “do të ishte zgjedhja e tij e parë”.
Në foto, Trump shfaqet me veshjen tradicionale papnore petkun e bardhë, një kryq të madh të varur në qafë dhe me dorën e ngritur si për të dhënë bekimin.
Megjithëse komentet janë bërë me konotacion humoristik, publikimi i këtij imazhi në një moment kaq të ndjeshëm për Kishën Katolike ka nxitur diskutime të forta, si në nivel ndërkombëtar ashtu edhe brenda Shteteve të Bashkuara.
Lini një Përgjigje