FLASH
Shkruar nga Pamfleti
Ka ardhur reaguar i reagimin e parë nga kryeministri Rishi Sunak pas vendimit të Gjykatës së Apelit në Londër e cila rrëzoi vendimin e qeverisë britanike për të dërguar emigrantët në Ruandë.
Ai tha nuk pajtohet me vendimin e tyre dhe se Ruanda është vend i sigurt për emigrantët.
“Unë e respektoj gjykatën, në thelb nuk pajtohem me përfundimet e tyre por besoj fuqimisht se qeveria e Ruandës ka dhënë garancitë e nevojshme për të siguruar që nuk ka rrezik real që azilkërkuesit e zhvendosur sipas politikës së Ruandës do të kthehen gabimisht në vendet e treta – diçka që Zoti Kryetar i Drejtësisë pajtohet me.
Ruanda është një vend i sigurt. Gjykata e Lartë ra dakord. UNHCR-ja ka skemën e saj të refugjatëve për refugjatët libianë në Ruanda. Tani do të kërkojmë leje për të apeluar këtë vendim në Gjykatën e Lartë.
Politika e kësaj qeverie është shumë e thjeshtë, është ky vend - dhe qeveria juaj - që duhet të vendosin se kush do të vijë këtu, jo bandat kriminale. Dhe unë do të bëj gjithçka që është e nevojshme për ta bërë këtë.", thotë Sunak.
Gjykata e Apelit në Londër ka rrëzuar planin e qeverisë britanike për dërgimin e azilkërkuesve në Ruanda, duke e shpallur të paligjshëm.
Dy nga tre gjyqtarët e Apelit në Londër argumentuan se Ruanda nuk ishte një “vend i sigurt” për t’i depërtuar atje emigrantët që mbërrijnë me gomone në Angli e më pas kërkojnë azil.
Qeveria britanike kishte besim se Gjykata e Apelit do e miratonte planin kontravers të depërtimit në Ruanda të të gjithë atyre që mbërrijnë në Britani përmes rrugëve jo legale, për të kërkuar azil.
Ndërkohë organizatat e të drejtat e njeriut dhe mbrojtjes së refugjatëve mendonin se ky plan do ishte i pazbatueshëm, qoftë edhe për shkak të kostove marramendëse.
Vetëm një ditë më parë Home Office publikoi shifrën e frikshme të 179 mijë sterlinave për çdo emigrant qe do dërgohej në Ruanda. Qeveria britanike i ka dhëne këtij shteti afrikan deri më tani 140 milionë sterlina kur ende nuk është dërguar asnjë azilkërkues.
Gjithsesi, plani tashme nuk është miratuar, dhe avionët e parë drejt shtetit afrikan, në një udhëtim prej 9 orësh nga Londra, të planifikuara për në muajin shtator, nuk do ngrihen më nga aeroportet e Britanisë.
Britania do ketë vetëm Shqipërinë si “komardare” për riatdhesimin e azilkërkuesve pasi këtij vendimi gjyqësor, pasi e vetmja marrëveshje riatdhesimi deri më tani me të vetmin shtet e ka pikërisht me Shqiperinë, në bazë të marrëveshjes së dhjetorit mes Ramës dhe homologut të tij britanik Rishi Sunak.
Vendimi i Gjykatës së Apelit është një dështim i qeverisë e cila e ka iniciuar dhe ka investuar politikisht për realizimin e kësaj skeme mjaft të debatueshme.
Mbetet te shihet se çfarë plani B ka tashmë Britania dhe konservatoret në pushtet për këtë çështje, nëse ka, një vit përpara zgjedhjeve të reja parlamentare të 2024-ës.
Sipas eksperteve të të drejtës, tanimë çështja do kaloj në Gjykatën Supreme, në Londër, ku do luhen të gjithë gurët e me pas si stacion të fundit në Gjykatën e të Drejtave të Njeriut ne Strasburg, duke qene se këto ditë qeveria britanike, ndryshe nga ç’kishte kërcënuar ka hequr dorë këto ditë nga mos-aplikimi i të Ligjit të Drejtës Universale, ç’ka nënkupton se juridiksioni do kalojë në Gjykatën e Strasburgut si stacioni i fundit.
Kujtojmë se ishte kjo Gjykatë që qershorin e kaluar anuloi në orën e fundit të skadencës kohore avionin në pistë me azilkërkuesit e parë që priteshin të dërgoheshin në Ruanda.
Lini një Përgjigje