FLASH
Shkruar nga Pamfleti
Presidenti rus Vladimir Putin në një takim të komitetit organizativ të Fitores së Rusisë, tha se vendi i tij nuk po lufton kundër popullit ukrainas, por kundër përbindëshave dhe pasuesve të tyre.
Ai shtoi se po luftojnë ata që mbrojnë nazistët të cilët kanë vrarë mbi 1,5 milionë hebrenj.
"Duhet të gërmohen [provat] dhe t'i tregohen [botës], në mënyrë që të mos ketë keqkuptime për natyrën e atyre me të cilët po luftojmë. Në mënyrë që të jetë e qartë dhe e kuptueshme se cilat synime po ndjekim dhe kush është armiku ynë. Nuk është populli ukrainas, por këta përbindësha dhe pasuesit e tyre. Por duhet të tregohet kjo, se është një realitet", theksoi ai.
Gjatë seancës, ndihmësi i presidentit Vladimir Medinsky vuri në dukje se të paktën 13.5 milionë civilë sovjetikë ranë viktima të gjenocidit nazist gjatë Luftës së Madhe Patriotike, siç njihet Lufta e Dytë Botërore në Rusi. "Përfshirë ata 1.5 milionë hebrenj të vrarë nga pasardhësit nazistë në Ukrainë," vuri në dukje ai.
Në përgjigje, Putin tha: "E gjithë kjo gjendet në dokumentet arkivore: urdhra, raporte mbi veprimet e ndërmarra për zbatimin e këtyre urdhrave, emrat dhe mbiemrat e atyre që i zbatuan dhe emrat dhe mbiemrat e xhelatëve. Është të gjitha aty [në dokumente]”.
Lini një Përgjigje