FLASH
Shkruar nga Pamfleti
Një zyrtar amerikan i tha CNN se ushtria amerikane nuk ka interceptuar asnjë nga raketat balistike iraniane të lëshuara drejt Izraelit gjatë natës, duke kundërshtuar një deklaratë të mëparshme të një zyrtari ushtarak izraelit.
Një zyrtar amerikan ka mohuar pretendimet se Shtetet e Bashkuara kanë interceptuar raketa balistike iraniane të lëshuara drejt Izraelit gjatë natës.
Duke folur për CNN, zyrtari tha se ushtria amerikane nuk ka rrëzuar asnjë nga raketat iraniane të lëshuara së fundmi. Ky qëndrim përbën një ndryshim të dukshëm nga përplasjet e mëparshme mes Izraelit dhe Iranit, kur SHBA përdori një numër të konsiderueshëm interceptorësh për të ndihmuar në neutralizimin e raketave iraniane që synonin territorin izraelit.
Deklarata amerikane bie ndesh me një pohim të bërë më herët të hënën nga një zyrtar ushtarak izraelit.
Sipas këtij të fundit, SHBA kishte mbështetur operacionet e mbrojtjes ajrore të Izraelit, përfshirë edhe interceptimin e disa raketave iraniane.
Megjithatë, zyrtari amerikan theksoi se gjatë natës ka pasur koordinim të ngushtë mes ushtrisë izraelite dhe Komandës Qendrore të SHBA-së (CENTCOM). Sipas tij, Shefi i Shtabit të Forcave të Mbrojtjes së Izraelit, gjenerallejtënant Eyal Zamir, zhvilloi dy biseda me komandantin e CENTCOM-it, admiralin Brad Cooper.
Lini një Përgjigje