FLASH
Shkruar nga Pamfleti
Një ngjarje e rëndë ka tronditur sot qytetin Adana në Turqi, ku një ish-polic qëlloi për vdekje djalin e tij pas një debati të ashpër mes tyre.
Sipas portalit turk Haberler, gjithçka nisi kur Ahmet Kaan Kayhan i kërkoi para babait të tij, Faruk Kayhan. Ky i fundit refuzoi, duke çuar në një konflikt verbal që u përshkallëzua shpejt.
Raportimet bëjnë të ditur se gjatë sherrit, Ahmet Kayhan, i cili sipas mediave turke dyshohet se ishte përdorues droge, sulmoi të atin me thikë.
Në atë moment, ish-polici nxori armën dhe qëlloi disa herë ndaj djalit të tij.
HASSAS | Olay anına ait görüntüler ortaya çıktı. https://t.co/PgHaU1SUfQ pic.twitter.com/jNRXc7FYbZ
— Boşuna Tıklama (@bosunatiklama) June 3, 2026
Ahmet Kayhan u godit në pjesë të ndryshme të trupit dhe u rrëzua në tokë, duke humbur jetën në vendngjarje.
Pas të shtënave, Faruk Kayhan telefonoi vetë policinë dhe qëndroi pranë trupit të pajetë të të birit deri në mbërritjen e forcave të rendit.
Kur autoritetet mbërritën në vendngjarje, ai pranoi menjëherë krimin dhe u dorëzua pa bërë rezistencë.
Ekipet mjekësore konfirmuan vdekjen e Ahmet Kayhan, ndërsa ish-polici u arrestua dhe dorëzoi armën e përdorur në krim.
Ai u shoqërua në Departamentin e Hetimit të Vrasjeve, ku po merret në pyetje për rrethanat e ngjarjes.
Lini një Përgjigje