FLASH
Shkruar nga Pamfleti
Irani ka paralajmëruar se çdo vend që ndihmon Shtetet e Bashkuara për të rihapur Ngushticën e Hormuzit rrezikon të konsiderohet bashkëpunëtor në krime lufte.
Ministri i Jashtëm iranian, Abbas Araghchi, gjatë një bisede telefonike me homologun japonez Toshimitsu Motegi, deklaroi se situata aktuale në këtë korridor strategjik është pasojë e veprimeve të SHBA-së dhe Izraelit.
Sipas tij, përpjekjet për të thyer bllokadën e vendosur nga forcat iraniane do të përbëjnë një akt agresioni.
“Çdo vend që përfshihet në këtë proces do të konsiderohet bashkëpunëtor në agresion dhe në krimet e kryera nga agresorët”, paralajmëroi Araghchi.
Ngushtica e Hormuzit mbetet një nga rrugët më të rëndësishme për transportin global të energjisë, ndërsa tensionet e fundit kanë rritur shqetësimet për një përshkallëzim të mëtejshëm në rajon.
Lini një Përgjigje