FLASH
Shkruar nga Pamfleti
Rafineria saudite në Ras Tanura, e operuar nga kompania kombëtare Saudi Aramco, u mbyll pas një sulmi me dron në zonë, raportuan Reuters dhe Bloomberg, duke cituar burime pranë çështjes.
Saudi Aramco dëshiron të marrë kohë për të vlerësuar dëmet pas sulmit, thuhet në deklaratën e dytë, duke shtuar se një zjarr ishte vënë nën kontroll.
Rafineria Ras Tanura, e vendosur në Gjirin Persik, është një nga më të mëdhatë në rajon, me një kapacitet prej 550,000 fuçi naftë bruto në ditë.
Ndërkohë, raportohet për shpërthime në Bahrein dhe Dubai, si dhe pranë ambasadës amerikane në Kuvajt.
Të dielën, një sulm me raketa iraniane vrau nëntë persona në qytetin izraelit Beit Shemesh. Në Qipro, një bazë britanike e Forcave Ajrore, Royal Air Force (RAF), u shënjestrua nga një “sulm i dyshuar me dron”, sipas Ministrisë Britanike të Mbrojtjes.
Shtetet e Bashkuara njoftuan më herët se tre anëtarë të forcave të tyre ishin vrarë në aksion, por pa specifikuar vendndodhjen.
Çmimet globale të naftës u rritën me hapjen e tregjeve në Azi të hënën, ndërsa ndërprerjet e udhëtimit vazhdojnë, me hapësirën ajrore të mbyllur në të gjithë rajonin e Gjiri Persik.
Lini një Përgjigje