FLASH
Shkruar nga Pamfleti
Izraeli ka njoftuar se po zhvillon një valë të gjerë sulmesh ajrore në Bejrut, duke shënjestruar infrastrukturën e Hezbollahut në kryeqytetin e Libanit. Lajmi është bërë i ditur nga Forcat e Mbrojtjes së Izraelit (IDF), të cilat thanë se operacioni erdhi si përgjigje ndaj sulmeve me raketa nga grupi militant.
Sipas ushtrisë izraelite, Hezbollahu ka lëshuar dhjetëra raketa, çka ka çuar në përshkallëzim të situatës dhe nisjen e sulmeve ajrore ndaj objektivave që lidhen me infrastrukturën e organizatës në Bejrut.
Sulmet kanë goditur veçanërisht zonën e Dahieh, në periferinë jugore të kryeqytetit libanez, një zonë e njohur si bastion i Hezbollahut.
Nga terreni, korrespondenti John Sparks raportoi se situata në qytet është dramatike dhe qendra e Bejrutit duket “e kthyer përmbys” pas sulmeve të fundit.
Përplasjet mes Izraelit dhe Hezbollahut kanë intensifikuar tensionet në rajon, ndërsa situata mbetet e paqëndrueshme dhe me rrezik për përshkallëzim të mëtejshëm.
Lini një Përgjigje