FLASH
Shkruar nga Pamfleti
Kryeministri i Kanadasë, Justin Trudeau dhe gruaja e tij, Sophie, po ndahen pas 18 vitesh, pas disa “bisedave domethënëse dhe të vështira”.
Çifti tha se do të mbeten “një familje e ngushtë dhe me respekt të thellë” në një postim në Instagram.
Ata u martuan në Montreal në vitin 2005 dhe kanë tre fëmijë së bashku.
Në një deklaratë, u tha se ndonëse çifti kanë nënshkruar marrëveshjen e ndarjes, ata do të vazhdojnë të dalin publikisht.
Deklarata e plotë e kryeministrit të Kanadasë në Instagram:
“Përshëndetje të gjithëve
Unë dhe Sophie do të donim të ndajmë faktin se pas shumë bisedave domethënëse dhe të vështira, ne morëm vendimin për t’u ndarë.
Si gjithmonë, ne mbetemi një familje e ngushtë me dashuri dhe respekt të thellë për njëri-tjetrin dhe për gjithçka që kemi ndërtuar dhe do të vazhdojmë të ndërtojmë.
Për mirëqenien e fëmijëve tanë, ju kërkojmë të respektoni privatësinë tonë dhe të tyre
Faleminderit”
Lini një Përgjigje