FLASH
Shkruar nga Pamfleti
Vijon të jetë e tensionuar situata në Vorizia të Kretës (Greqi) ku një ditë më parë si pasojë e breshëri me armë zjarri mes pjesëtarëve të dy fiseve u vranë të paktën dy persona dhe disa të tjerë u plagosën.
Ditën e sotme forca të shumta policore kanë blinduar Vorizian duke e ndarë zonën në 3 pjesë, ku po kryen kontrolle të imtësishme. Një prokuror i ngarkuar për hetimin e krimit u shfaq në vendngjarje i veshur me një anti-plumb, çka tregon frikën që ekzsiton edhe mes njerëzve të drejtësisë.
Forcat e policisë kanë arrestuar dy persona si të përfshirë në incidentin e përgjakshëm dhe tre të tjerë janë shpallur në kërkim.
Fshati është ndarë në tre zona ku po kryhen kontrolle të imtësishme policore në banesa dhe makina, ndërsa oficerë të armatosur ndalojnë këdo që përpiqet të hyjë në zonë.
Forca të shumta policore gjithashtu kanë marrë nën kontroll spitalet ku janë transportuar të plagosurit dhe viktimat.
Anëtarët e të dy familjeve janë fshehur në male për të shmangur arrestimin.
Ndërkohë, po hidhet më shumë dritë lidhur me humbjen e jetës së një 56-vjeçareje, për të cilën fillimisht u tha se pësoi arrest kardiak si pasojë e incidentit të përgjakshëm. Por të afërm të viktimës pretendojnë se ajo nuk vdiq nga shkaqe patologjike, por u qëllua me armë zjarri.
"56-vjeçarja mori një plumb nga ana e djathtë, i cili i shpoi mushkëritë dhe doli nga shtylla kurrizore ", thotë i afërmi i saj, duke vënë në dukje se raporti mjeko-ligjor konfirmon se ky është një dëmtim fatal dhe jo nga shkaqe natyrore, siç ishte raportuar fillimisht.
Autopsia-diseksioni përfundoi vonë natën e së dielës, ndërsa trupi i 56-vjeçares u transferua në Hania. Funerali i saj dhe i viktimës së dytë nuk do të mbahet sot, pasi hetimet janë duke vazhduar.
Në të njëjtën kohë, po dalin në dritë prova të reja në lidhje me vendosjen e pajisjes shpërthyese që i parapriu gjakderdhjes. Siç pohojnë të afërmit e të ndjerës, "një grua dha urdhrin" dhe siç theksojnë ata, "ka prova që e vërtetojnë këtë".
Forcat speciale të policisë (T.E.K.A.M. – T.A.E. – O.P.K.E.) si dhe oficerë policie nga Nëndrejtoria e Ndjekjes dhe Hetimit të Krimeve dhe Drejtoria e Policisë së Heraklionit shkuan menjëherë në vendngjarje. Drejtori i Përgjithshëm Rajonal i Policisë së Kretës ishte gjithashtu në vendngjarje për të koordinuar operacionin.
Incidenti rezultoi në plagosjen fatale të dy qytetarëve (një burrë 39-vjeçar dhe një grua 56-vjeçare) si dhe plagosjen e dy grave, të cilat u dërguan në spital. Më pas, u plagosën edhe dy burra, të cilët po trajtohen nën kujdestari dhe pjesëmarrja e tyre në incidentin e armatosur po shqyrtohet.
Lini një Përgjigje