FLASH
Shkruar nga Pamfleti
28 Nëntor: Në Konferencën e Teheranit, shihen shenjat e para të Luftës së Ftohtë dhe ndarjes së botës në 2 blloqe
Në samitin e Teheranit morën pjesë “tre të mëdhenjtë”, dhe konkretisht presidenti i SHBA-së Frenklin Ruzvelt, kryeministri britanik Uinston Çërçill dhe udhëheqësi sovjetik Josif Stalin. Diskutimi kryesor u përqendrua në hapjen e një “fronti të dytë” në Evropën Perëndimore.
Stalini ra dakord që një ofensivë e madhe në frontin lindor të përkonte me Frontin Perëndimor që pritej të hapej. Ai i nxiti udhëheqësit perëndimorë të vazhdonin me përgatitjet zyrtare për zbarkimin e tyre të premtuar prej kohësh në Francën e pushtuar nga Gjermania.
Edhe pse ishin dominuese çështjet ushtarake, Konferenca e Teheranit pati më shumë diskutime mbi çështjet politike sesa në çdo takim të mëparshëm midis krerëve të qeverive aleate. Stalini këmbënguli se Bashkimi Sovjetik duhet të mbante jo vetëm kufijtë e përcaktuar nga Pakti Gjerman-Sovjetik i Mossulmimit i vitit 1939 dhe nga Traktati Ruso-Finlandez i vitit 1940, por Moska do të donte pas luftës edhe bregdetin Baltik të Prusisë Lindore.
Megjithëse zgjidhja mbi Gjermaninë u diskutua gjatë, të tre udhëheqësit e Aleatëve dukeshin të pasigurt. Pikëpamjet e tyre ishin të kundërta edhe mbi çështjen e një organizate ndërkombëtare të pasluftës. Edhe mbi çështjen polake, aleatët perëndimorë dhe Bashkimi Sovjetik patën përplasje të mëdha.
Stalini e shprehu mospëlqimin e tij të vazhdueshëm për qeverinë polake në mërgim në Londër. Në lidhje me Iranin, të cilin forcat aleate e kishin pushtuar pjesërisht, ata arritën gjithsesi të
bien dakord për një deklaratë (të publikuar më 1 dhjetor 1943) që garantonte pavarësinë dhe integritetin territorial të këtij shteti pas luftës dhe që premtonte ndihmë ekonomike.
Ngjarje të tjera të rëndësishme:
28 Nëntor 1519 - Pasi lundroi nëpër ngushticat e rrezikshme poshtë Amerikës së Jugut që sot mbajnë emrin e tij, lundërtari portugez Ferdinand Magelani hyn në Oqeanin Paqësor me 3 anije, duke u bërë eksploruesi i parë evropian që arriti në Paqësor nga Atlantiku.
Më 28 nëntor 1582 - Uilliam Shekspir, 18 vjeç, dhe Ana Hethuhej, 26 vjeçe, paguajnë një garanci prej 40 paundësh për lejen e martesës së tyre në Stretford. Gjashtë muaj më vonë, Ana lindi vajzën e tyre, Suzana, dhe dy vjet më vonë, binjakë.
Më 28 nëntor 1720 - Dy piratet femra Meri Rid dhe Ana Boni dolën në gjyq dhe më pas u dënuan me vdekje. Ekzekutimet e tyre u shtynë sepse që të dyja ishin shtatzëna. Pas disa kohësh Boni u lirua, ndërsa Rid vdiq në burg.
28 Nëntor 1919 - Nensi Astor, e lindur në Amerikë, bëhet gruaja e parë që hyn në Dhomën e Komunëve, e zgjedhur me një shumicë të madhe votash. Zonja Astor zuri vendin bashkëshortit të saj, Ualdorf Astor, nga partia e Unionistëve i cili zuri një vend nderi në Dhomën e Lordëve.
28 Nëntor 1820 - Në Barmen, provinca e Rajnit në Prusinë Lindore (Gjermania e sotme) lindi filozofi Fridrih Engels gjerman. Së bashku me Karl Marksin ai hodhi themelet e komunizmit.
28 Nëntor 1994 - Vrasësi serial Xhefri Dahmer, i cili po vuante 15 dënime me burgim të përjetshëm për vrasjet brutale të 15 burrave, rrihet për vdekje nga një i burgosur tjetër ndërsa po pastronte banjën në palestrën e burgut të Kolumbias në Uiskonsin./Përgatiti Pamfleti
Lini një Përgjigje