FLASH
Shkruar nga Pamfleti
Sekretari i shtetit i SHBA-së, Marco Rubio, tha se një takim midis zyrtarëve amerikanë dhe ukrainas në Florida ishte "shumë produktiv", por shtoi se mbetet ende shumë punë për t'u bërë drejt përfundimit të luftës së Rusisë në Ukrainë.
"Ka shumë aspekte të ndryshme dhe padyshim që këtu është e përfshirë edhe një palë tjetër që do të duhet të jetë pjesë e ekuacionit, dhe kjo do të vazhdojë më vonë këtë javë, kur [i dërguari special i Donald Trump, Steve] Witkoff të udhëtojë për në Moskë, megjithëse ne kemi qenë në kontakt në shkallë të ndryshme edhe me palën ruse, por kemi një kuptim mjaft të mirë të pikëpamjeve të tyre", tha ai.
Zyrtarët amerikanë dhe ukrainas biseduan për afërsisht katër orë, ndërkohë që nuk ka detaje mbi atë se çfarë është arritur. Më vonë këtë javë, i dërguari special i Trump, Witkoff, do të udhëtojë për në Moskë për t'u takuar me Vladimir Putinin.
Lini një Përgjigje