FLASH
Shkruar nga Pamfleti
Programi Botëror i Ushqimit i OKB-së ka filluar të rrisë operacionet e tij në Gaza, ndërsa armëpushimi hap rrugën për grupet ndërkombëtare të ndihmës që të rifillojnë operacionet.
Programi Botëror i Ushqimit në një postim në X tha se synon të rivendosë sistemin e saj të rregullt të shpërndarjes së ushqimit, duke shtuar se "nevojat humanitare në Gaza nuk kanë qenë kurrë më të mëdha".
Porgrami tha gjithashtu se më shumë se "170,000 ton metrikë ushqim" ishin gati për dërgim ose për të udhëtuar nëpërmjet "korridoreve të Ashdodit, Egjiptit, Jordanisë dhe Bregut Perëndimor".
Kjo vjen pas deklaratës së agjencisë palestineze të ndihmës së OKB-së se ka ushqim të mjaftueshëm për të ushqyer të gjithë popullsinë në Gaza për tre muaj.
Sipas kushteve të planit të armëpushimit të Donald Trump, deri në 600 kamionë me ndihmë humanitare duhet të hyjnë në Gaza çdo ditë.
Hapi i shtatë i planit përcakton një kërkesë që ndihma të dërgohet menjëherë në Gaza. Së paku, kjo do të përfshijë rehabilitimin e infrastrukturës, spitaleve dhe furrave të bukës, si dhe shpërndarjen e pajisjeve për të hequr rrënojat dhe hapur rrugët.
Ndihma do të shpërndahet nëpërmjet OKB-së, agjencive të saj, Gjysmëhënës së Kuqe dhe "institucioneve të tjera ndërkombëtare".
Lini një Përgjigje