FLASH
Shkruar nga Pamfleti
Kryetari i Bashkisë së Nju Jorkut, Eric Adams mbajti një konerencë për shtyp të hënën dhe u mundua të qetësojë qytetarët, duke përsëritur se nuk ka "kërcënime specifike të besueshme" ndaj qytetit në lidhje me udhëtimin e ish-presidentit Donald Trump për gjyqin e tij.
Ai inkurajoi të gjithë njujorkezët që të "vazhdojnë me aktivitetet e tyre të rregullta", ndërsa vuri në dukje se udhëtarët dhe njerëzit e tjerë që udhëtojnë nëpër qytet mund të përjetojnë "disa ndërprerje" për shkak të trafikut shtesë dhe mbylljeve të rrugëve pranë gjykatave në Manhatan të poshtëm.
Adams lëshoi dhe një paralajmërim për çdo "ngacmues të mundshëm" që mendon të vijë në Nju Jork për shkak të Trump, duke thënë se nuk do të lejojë trazira.
"Ndërsa mund të ketë disa zgjues që mendojnë të vijnë në qytetin tonë nesër, mesazhi ynë është i qartë dhe i thjeshtë: Kontrolloni veten. Qyteti i Nju Jorkut është shtëpia jonë, jo një shesh lojërash për zemërimin tuaj të gabuar. Ne kemi qytetin më të madh e të sigurt në Amerikë sepse ne respektojmë sundimin e ligjit në qytetin e Nju Jorkut. Dhe megjithëse nuk kemi kërcënime specifike, njerëz si Marjorie Taylor Greene, e cila njihet për përhapjen e dezinformatave dhe gjuhës së urrejtjes, ju kërkoj të jini në sjelljen tuaj më të mirë", tha Adams.
Lini një Përgjigje