FLASH
Shkruar nga Pamfleti
Kina ka deklaruar se është e gatshme të përballet deri në fund në një luftë tregtare me Shtetet e Bashkuara.
Kjo vjen pas kërcënimit të presidentit amerikan Donald Trump i cili u shpreh se do të vendosë tarifa shtesë deri në 100% mbi mallrat kineze.
Masa e paralajmëruar vjen si reagim ndaj vendimit të fundit të Pekinit për kufizimin e eksporteve të metaleve të rralla, komponentë strategjikë në teknologjinë moderne dhe mbrojtjen.
Një zëdhënës i Ministrisë kineze të Tregtisë u shpreh se do t’i përgjigjet SHBA me çfarëdolloj mënyre.
“Lidhur me çështjen e tarifave dhe luftërave tregtare, qëndrimi i Kinës mbetet i qëndrueshëm. Nëse doni të luftoni, ne do të luftojmë deri në fund; nëse doni të negocioni, dera jonë mbetet e hapur”, tha ai.
Lini një Përgjigje