FLASH
Shkruar nga Pamfleti
Detaje të reja kanë dalë në dritë nga arratisja e spiunit iranian Daniel Abed Khalife, ndërsa policia britanike ofron një shpërblim prej 20 mijë £ për atë që jep informacione që do të çonin në arrestimin e tij.
21-vjeçari ka zënë faqet e para të mediave britanike pasi u arratis në mënyrë spektakolare nga burgu i Wandsworth të mërkurën në mëngjes. Për gjetjen e Khalife, një ushtar i trajnuar ka nisur një operacion edhe nga Komanda Kundër Terrorizmit.
Më shumë se 150 oficerë dhe staf janë përfshirë në këtë operacion. Khalife u arratis nga burgu duke u lidhur poshtë një kamioni mallrash pasi doli nga kuzhina e burgut me uniformën e një kuzhinieri.
Hetuesit kanë marrë informacion se një person që i përshtatej përshkrimit të Khalife ishte parë duke u larguar nga një furgon pranë hyrjes jugore të rrethrrotullimit Wandsworth.
Më vonë edhe një shitës dyqani njoftoi se kishte parë “një tip të gjatë, të dobët me flokë të errët” të cilin më vonë e lidhi me imazhin e Khalife kur e pa në TV. Autoritetet kanë vendosur një alarm mbarëkombëtar që ka çuar në forcim të sigurisë në porte dhe kufij. Policia tha se Khalife nuk përbën kërcënim për publikun e gjerë, por këshillon publikun që të mos i afrohet atij dhe të telefonojë menjëherë autoritetet përkatëse.
"Për të raportuar një pamje të drejtpërdrejtë të Khalife, ose informacion që është urgjent, ju lutemi telefononi 999. Përndryshe, kushdo që ka informacion që mund të ndihmojë hetimin në vazhdim mund të telefonojë policinë në 101.”, thuhet në njoftimin e policisë.
Ish-ushtari u shpall i zhdukur në orën 7:50 të mëngjesit të së mërkurës. Policia u njoftua në orën 08:15 dhe ndërmori veprime të menjëhershme për të gjurmuar një furgon mallrash që ishte larguar nga burgu. Në orën 8.37, oficerët e policisë ndaluan furgonin dhe folën me shoferin duke kryer një kontroll të plotë.
Policia zbuloi një rrip në pjesën e poshtme të furgonit. Detektivët besojnë se Khalife ishte fshehur poshtë furgonit dhe e përdori këtë rrip si pjesë të arratisjes së tij. Ai ishte arrestuar i akuzuar për vendosjen e një bombe të rreme dhe mbledhjen e informacionit që mund të ishte i dobishëm për terroristët ose armiqtë e Mbretërisë së Bashkuar. Sipas raportimeve, ai akuzohet se ka mbledhur informacione për Iranin.
Lini një Përgjigje