Bota21 Maj 2023, 22:46

“E mbajtëm premtimin tonë”, Prigozhin njofton largimin e trupave të tij nga Bahkhmuti

Shkruar nga Pamfleti
“E mbajtëm premtimin tonë”, Prigozhin njofton largimin e

Kreu i grupit mercenar Wagner, Prigozhin tha të dielën e trupat e tij kishin vënë nën kontroll të gjithë qytetin e Bakhmutit dhe se siç kishin premtuar, gjatë javës së ardhshme do të largohen nga kjo zonë lufte.

“Sot, Wagneri nuk ka bërë asnjë përparim dhe nuk ka kapur asnjë territor. Ne kemi vënë nën kontroll të gjithë territorin që kishim premtuar, deri në centrimetrin e fundit. Siç e deklaruam dhe dje. Ne po ia dorëzojmë pozicionet tona Ministrisë së Mbrojtjes të Rusisë dhe do të largohemi nga zona e luftës në 25 maj”, tha Yevgeny Prigozhin përmes një mesazhi me audio të postuar në aplikacionin Telegram .

Kreu i grupit Wagner, Prigozhin tha të shtunën se trupat e tij kishin marrë kontrollin e Bakhmutit, qytet që për 9 muaj me radhë sulmohet nga forcat ruse. Presidenti ukrainas Volodymyr Zelenskyy dhe shefat ushtarakë e mohuan një gjë të tillë të dielën. Agjencia Reuters nuk ishte në gjendje të verifikonte të dhënat nga fusha e betejës.

wagner prigozhin bakhmut