FLASH
Shkruar nga Pamfleti
Tre ushtarakët amerikanë që humbën jetën në kuadër të fushatës ushtarake të administratës Trump kundër Iranit ishin të vendosur në Kuvajt, raportoi rrjeti amerikan NBC, duke cituar burime zyrtare.
Sipas raportimit, ushtarët shërbenin në një nga bazat amerikane në territorin kuvajtian, që prej nisjes së operacioneve është vënë në shënjestër të sulmeve me raketa nga Irani.
Kuvajti është një nga disa vendet e Gjirit që strehojnë baza ushtarake amerikane dhe që janë përballur me goditje iraniane që nga e shtuna, kur SHBA dhe Izraeli nisën fushatën e bombardimeve ndaj objektivave në Iran. Sulmet hakmarrëse të Teheranit kanë synuar infrastrukturë ushtarake amerikane në rajon, duke rritur ndjeshëm tensionet dhe rrezikun e përshkallëzimit të konfliktit.
Pentagoni konfirmoi më herët vdekjen e tre efektivëve dhe plagosjen e disa të tjerëve, por nuk kishte bërë publike vendndodhjen e saktë të incidentit. Raportimi i NBC hedh dritë mbi faktin se përplasjet po prekin drejtpërdrejt praninë ushtarake amerikane në Gjirin Persik, një zonë me rëndësi strategjike për sigurinë dhe energjinë globale.
Lini një Përgjigje