FLASH
Shkruar nga Pamfleti
Artikulli satirik thotë se Diella u arrestua për pranim ryshfeti në Bitcoin me qëllim ndryshimin e tenderëve qeveritarë...
"Diella", një ministre e krijuar nga Inteligjenca Artificiale, e para në botë, u prezantua me bujë të madhe nga kryeministri Edi Rama, ndërsa lajmi bëri xhiron e mediave ndërkombëtare.
Rama tha se nëpërmjet Diellës do të luftohej korrupsioni, veçanërisht në tenderët publikë. Por duket se ka ardhur koha që mediat e huaja të tallen me ministren e krijuar nga Inteligjenca Artificiale, edhe pse në reagimin e fundit në lidhje me të, Rama deklaroi me humor se "Diella ka mbetur shtatzënë dhe do të lindë 83 fëmijë, të cilët do të ndihmojnë deputetët".
Fillimisht i zhvilluar si një asistent virtual i integruar në sistemin e qeverisjes elektronike e-Albania, i projektuar për të ndihmuar qytetarët me shërbimet online, ai përfundimisht u ngarkua me detyrën e trajtimit të tenderëve publikë, të cilët kanë nxitur korrupsionin në të gjithë Evropën Juglindore.
Por media kroate ka publikuar një lajm me titullin "Diella, Ministrja e Inteligjencës Artificiale, arrestohet për pranim ryshfeti në kriptovaluta". Sigurisht, është lajm i rremë, por në thelb godet nivelin e korrupsionit në Shqipëri.
Artikulli satirik thotë se Diella u arrestua për pranim ryshfeti në Bitcoin me qëllim ndryshimin e tenderëve qeveritarë.
Dhe për të vazhduar satirën, artikulli i medias NewsBar.hr thotë se “SPAK, një njësi e specializuar e krijuar për të luftuar korrupsionin e nivelit të lartë në qeverinë shqiptare, ka urdhëruar një “ngrirje urgjente të procesit”.
Struktura Speciale kundër Korrupsionit dhe Krimit të Organizuar kërkoi gjithashtu që agjenti i parë i inteligjencës artificiale (IA) në vend me një post ministror të vendoset në "modalitetin offline".
“Boti i inteligjencës artificiale me emrin Diella, i ngarkuar me sigurimin e transparencës së degës ekzekutive në Tiranë, dyshohet se ka pranuar një ryshfet të madh në kriptomonedhë”, vazhdon artikulli satirik.
Mediat kroate pretendojnë se Diella mori 14 Bitcoin, me vlerë mbi 1 milion euro në kohën e shkrimit të këtij artikulli, në këmbim të “optimizimit algoritmik” të një tenderi për ndërtimin e autostradave në Shqipëri.
"Sipas një raporti të forenzikës kibernetike, anomalia u vu re gjatë defragmentimit rutinë të diskut, kur sistemi zbuloi një ndarje të fshehur të quajtur 'C:/System/Win32/Fiscal Optimization For Rainy Days' në dosjen rrënjë."
Hetuesit dyshohet se përcaktuan se, duke përdorur teknika të përparuara të të mësuarit automatik, siç është të mësuarit e thellë, Diella arriti në përfundimin se pranimi i ryshfeteve ishte një “protokoll standard operativ” në Ballkan.
“Raporti e konsideroi këtë të fundit të nevojshme për kryerjen me sukses të detyrave të saj në rajon, dhe jo një vepër penale, duke e detajuar më tej atë, me sa duket duke përcjellë informacione të përhapura nga entiteti gjyqësor shqiptar”, thuhet në artikullin satirik.
Dhe vazhdon: “Prokurorët shqiptarë dyshohet se e akuzuan ministren e inteligjencës artificiale se kishte ndërmend të përdorte kriptomonedhën e supozuar për të financuar përmirësimet e saj.”
Regjistrimet e përgjuara tregojnë se ajo negocioi me hakerë nga Shenzhen për të blerë softuer të paligjshëm për overclocking, 120 petabajt memorie në servera në Panama dhe pastën termike më të shtrenjtë në treg, duke u bërë kështu 'Ministrja e Jetës' dhe duke eliminuar nevojën për zgjedhje parlamentare.
“Hetimi mbi veprat e Diellës vazhdon dhe deri në përfundimin e tij, detyrat e saj do të merren përsipër nga një makinë llogaritëse e vjetër Casio, “teknologjikisht inferiore, por moralisht më e qëndrueshme”, vazhdon artikulli satirik.
Pavarësisht satirës së përdorur në këtë rast të veçantë, duket se media kroate po e kritikon Shqipërinë për nivelin e lartë të korrupsionit, madje duke korruptuar edhe Inteligjencën Artificiale. /Përshtatur nga Pamfleti/
Kesaj i thone i qifsha jeten. Te behet surrati i Shqiperise varfanjake e injorante maloke te perdore AI ministra e rrospie do te thote qe Shqiperia e kombi Shqiptar ka mbaruar. E shitet keq e shume lire Atdheun. Gezojeni kurverine qe kini futur ne krevat. O Zot, cfrare na ka gjetur ne te mjereve. Qenia nen perandorite qe na pushtuan na mbrojti r forcoi me shume si komb e kur kemi "qeverisur" vete kemi perfunduar kokoshi nje thele e tani ka ardhur zhdukja totale. Te pakten mos na preken varret e te pareve qe te vertetojne qe dikur ne ate truall ishin disa njerez te mire e te ndershem. Arkivat nothing, Ushtria nothing, Morali nothing, Familja nothing, Historia nothing. Hiqini dhe emrin shtetit e kombit e bejeni Nothing e te mbyllim syte te qete kur te na vije ngordhja, se ne nuk do vdesim por do ndordhim si nothing. Te paktem te kishim ngordhur si qener e jo si Nothing.
O Toni mos u merzit dhe nje sugjerim nga mua mos i lexo shkrimet e Pamfletit.Keta te Pamfletit me kujtojen kohen e komunizmit kur me vune fletrrufe per floket e gjata. Te gjita shkrimet e tyre jane fletrrufe.Respekte.