FLASH
Shkruar nga Pamfleti
Kompania ajrore Lufthansa ka vendosur të ulë ndjeshëm numrin e fluturimeve për periudhën maj–tetor 2026, duke anuluar mbi 20 mijë itinerare.
Vendimi lidhet me rritjen e kostos së karburantit për avionët, e cila është rritur më shumë se dy herë që nga nisja e tensioneve në Lindjen e Mesme. Sipas kompanisë, masa synon të kufizojë shpenzimet dhe të optimizojë përdorimin e burimeve.
Procesi i reduktimit ka nisur më 20 prill, me rreth 120 fluturime të shkurtra që hiqen çdo ditë nga programi. Fillimisht preken linjat me rendiment më të ulët që nisen nga aeroportet e Munich dhe Frankfurt. Kjo qasje do të zbatohet gjatë gjithë sezonit veror, deri në mes të tetorit.
Lufthansa parashikon të kursejë të paktën 40 mijë tonë karburant, të cilin do ta përdorë për linjat me kërkesë më të lartë dhe kthim më të mirë ekonomik.
Reduktimi i fluturimeve pritet të kufizojë alternativat për udhëtarët, veçanërisht gjatë muajve të verës kur kërkesa për udhëtime rritet.
Lini një Përgjigje