FLASH
Shkruar nga Pamfleti
Gjermania duhet të përshpejtojë përgatitjet përballë rrezikut të një agresioni të mundshëm rus ndaj territorit të NATO-s deri në vitin 2029, ose edhe më herët. Paralajmërimi vjen nga kreu i ushtrisë gjermane, gjenerallejtënant Christian Freuding, në një intervistë për Politico.
"Ne duhet të jemi të përgatitur... Ne duhet të jemi gati për të luftuar", tha kreu i ushtrisë gjermane Christian Freuding, shefi i ushtrisë gjermane.
Sipas tij, aleatët e NATO-s ndajnë të njëjtin vlerësim mbi kapacitetet që Rusia mund të zhvillojë në vitet e ardhshme.
“Viti 2029 nuk është një afat kohor gjerman. Është një inteligjencë e dakordësuar nga NATO”, tha Freuding. “Të 32 partnerët e NATO-s bien dakord që Rusia mund të ketë aftësinë për të pushtuar një vend partner të NATO-s në vitin 2029.”
Megjithatë, ai theksoi se një veprim i tillë mund të ndodhë edhe më herët. Sipas Freuding, pavarësisht kostos së lartë që Rusia ka paguar në luftën në Ukrainë, Moska mund të arrijë të rindërtojë potencialin e saj ushtarak në një periudhë relativisht të shkurtër.
Komentet e tij vijnë në një kohë kur zyrtarë të mbrojtjes në Evropë po paralajmërojnë se Rusia mund të rikuperojë kapacitetet e nevojshme për të paraqitur një kërcënim të drejtpërdrejtë konvencional ndaj vendeve të NATO-s. Për planifikuesit e mbrojtjes, viti 2029 konsiderohet si një objektiv kritik për mbylljen e boshllëqeve në gatishmërinë ushtarake, prodhimin e armëve dhe aftësitë mbrojtëse të kontinentit.
Vërejtjet e Freuding pasqyrojnë shqetësimet në rritje se Rusia mund të testojë vendosmërinë e aleancës në një moment kur vendet evropiane janë ende në proces të forcimit të kapaciteteve të tyre ushtarake.
Kjo situatë po ndikon edhe në debatin e brendshëm në Gjermani lidhur me prokurimet ushtarake dhe zgjerimin e kapaciteteve të industrisë së mbrojtjes. Freuding vlerësoi se Berlini ka ndërmarrë hapa të rëndësishëm për të përshpejtuar proceset e furnizimit me armë dhe për të rritur prodhimin industrial.
Megjithatë, ai paralajmëroi se Gjermania nuk mund të mbështetet vetëm te programet afatgjata të armatimit, pasi zhvillimi dhe vendosja në përdorim e tyre kërkon vite.
Lini një Përgjigje