FLASH
Shkruar nga Pamfleti
Presidenti i Iranit, Masoud Pezeshkian, ka deklaruar se thotë se lufta nuk i sjell dobi askujt dhe se duhet të përdoret çdo rrugë diplomatike për të ulur tensionet.
“Lufta nuk i sjell dobi askujt dhe, duke qëndruar të vendosur kundër kërcënimeve, duhet të përdoret çdo rrugë racionale dhe diplomatike për të ulur tensionet", tha ai.
Në komentet e sotme gjatë një vizite në Ministrinë e Drejtësisë, Pezeshkian tha se qytetarët iranianë duhet të informohen mbi situatën dhe të mos u jepen premtime jo realiste të cilat më pas mund të minojnë besimin.
“Iranianët duhet të mbahen të informuar për realitetet e vendit dhe dhënia e informacionit të pasaktë ose premtimeve jorealiste jo vetëm që nuk ndihmon në zgjidhjen e problemeve, por edhe minon besimin e publikut. Si arritjet, ashtu edhe sfidat duhet të ndahen me ndershmëri me publikun", tha Pezeshkian.
Deklarata e Pezeshkianit vjen vetëm pak kohë pasi zëdhënësi i ministrisë së jashtme të Iranit tha se Teherani "nuk ka plane" të marrë pjesë në raundin e ardhshëm të bisedimeve me SHBA-në. Por pas kësaj deklarate, Irani ka bërë një hap pas duke thënë se po e shqyrton mundësinë e pjesëmarrjes në bisedime.
Lini një Përgjigje