FLASH
Shkruar nga Pamfleti
Një projekt i kompozitorit të njohur Sir Karl Jenkins, që pasqyron tmerrin dhe tragjedinë e Luftës në Kosovë gjatë viteve 1998-1999, ka zënë vendin e parë në sondazhin më të madh vjetor të muzikës klasike në botë.
Vepra e tij korale, “The Armed Man: A Mass for Peace” (“Njeriu i Armatosur: Një Meshë për Paqen”), është shpallur më e pëlqyera në Classic FM Hall of Fame 2026, pas afro 90 mijë votash nga publiku. Lajmin e bëri të ditur prezantuesi Dan Walker.
Kompozitori 82-vjeçar e cilësoi këtë sukses si një “kënaqësi të madhe”, duke u bërë kompozitori i parë i gjallë që arrin vendin e parë në këtë sondazh.
Në një intervistë për BBC Radio Wales, Jenkins tha me humor: “Është më mirë ta marrësh çmimin sa je gjallë, sesa pasi të kesh vdekur”.
Krijuar në vitin 2000 dhe e dedikuar viktimave të Luftës në Kosovë, kjo vepër pasqyron dhimbjen dhe shkatërrimin që konflikti i shkaktuar nga Serbia la pas, duke sjellë një mesazh paqeje dhe reflektimi për audiencën ndërkombëtare.
Ky sukses tregon jo vetëm fuqinë emocionale të muzikës, por edhe rëndësinë e kujtesës historike përmes artit.
Lini një Përgjigje