FLASH
Shkruar nga Pamfleti
Ish-banorja e Big Brother VIP Kosova, Bia Khalifa, ka bërë një denoncim publik të fortë në rrjetet sociale, duke ngritur akuza ndaj familjarëve të saj për abuzim emocional, presion dhe mungesë mirënjohjeje.
Në disa postime të ndara me ndjekësit, ajo ka treguar se prej kohësh po përballet me tensione brenda familjes, të cilat sipas saj kanë arritur deri në situata shqetësuese edhe në përditshmëri.
Ajo ka rrëfyer se një nga situatat e fundit ka ndodhur herët në mëngjes, kur gjyshja e saj, sipas saj, ka bërë zhurmë në mënyrë të qëllimshme për ta zgjuar. Bia pretendon se kjo lidhet me kërkesa financiare të përsëritura.
“Është ora 6 e mëngjesit dhe gjyshja ime po bën zhurmë me dashje… sepse kërkon para,” ka shkruar ajo, duke shtuar se situata të tilla nuk janë të reja, por vijojnë prej vitesh.
Në rrëfimin e saj, ajo thekson se i janë kërkuar vazhdimisht shuma të ndryshme parash, duke përmendur raste me mijëra euro. Sipas saj, edhe pse ka shprehur gatishmëri për të ndihmuar, kërkon që kjo të mos ndodhë në kushte presioni apo tensioni.
Bia thotë gjithashtu se përplasjet në familje kanë vijuar edhe më tej, duke përmendur sjellje të tilla si përplasje dyersh në banesën ku jeton, të cilën e ka financuar vetë.
Në reagimin e saj, ajo shprehet e lodhur emocionalisht dhe thotë se ndihet e keqkuptuar dhe e shfrytëzuar, pavarësisht ndihmës që ka dhënë ndër vite.
“Jam e lodhur… jo nga përgjegjësitë, por nga mungesa e mirënjohjes,” shkruan ajo, duke shtuar se gjithçka që kërkon është respekt dhe qetësi në jetën e saj personale.
Lini një Përgjigje