FLASH
Shkruar nga Pamfleti
Lamine Yamal tashmë i ka sytë plotësisht nga Kupa e Botës 2026 dhe mezi po pret të nisë turneun me kombëtaren spanjolle. Kampioni i ri evropian është rikthyer në formë pas një dëmtimi dhe shpreh entuziazëm të madh për aventurën botërore.
“Momenti më në fund ka ardhur. Mendoj se që kur mbaroi Europiani, të gjithë kemi menduar për këtë ditë që po vjen dhe jemi vërtet të emocionuar. Po vijmë ashtu siç jemi, kampionë evropianë dhe do të japim gjithçka”, tha Yamal.
Deri më tani, talenti i Barcelonës ka ndjekur një program të posaçëm rehabilitimi për t’u rikuperuar nga dëmtimi në kofshë që e detyroi të humbiste fundin e sezonit. Sot në mëngjes ai u pa duke kryer një seancë të veçantë stërvitore në kampin e kombëtares spanjolle, nën vëzhgimin e trajnerit Luis de la Fuente.
Duke kujtuar momentin e dëmtimit, Yamal u shpreh se dëmtimin që pësoi nuk e kishte pasur më parë dhe se u frikësua se mos ishte diçka serioze.
“Po, i mbaj mend rrethanat e dëmtimit. Lutesha brenda meje që të mos ishte asgjë, që të ishte thjesht një ngërç ose diçka tjetër, sepse e parashikoja Kampionatin Botëror që po vinte dhe e dija që ishte një dëmtim në kofshë të pasme, nuk e kisha pasur kurrë më parë, por e dija që nuk ishte një zgjidhje e shpejtë. Kështu që kisha frikë se ishte serioze dhe, mbi të gjitha, se edhe nëse nuk ishte serioze, mund të kisha një rikthim të sëmundjes dhe të humbisja Kampionatin Botëror”, tha ai.
18-vjeçari nuk e fsheh ëndrrën e tij më të madhe. Kur u pyet nëse e kishte imagjinuar ndonjëherë të ngrinte Kupën e Botës, ai deklaroi se është evenimenti më madh në botë dhe se e kishte ëndërruar shumë herë ngritjen e atij trofeu.
“Një mijë herë, në dhomën time ose kur fitonim një ndeshje në qendrën stërvitore të lagjes sime, sepse besoj se Kupa e Botës është gjëja më e madhe që ekziston në futboll”, përfundoi ai.
Spanja do të debutojë në Kupën e Botës më 15 qershor kundër Kepit të Gjelbër, në Grupin H. Grup i cili përfshin edhe Arabinë Saudite dhe Uruguain, një short që konsiderohet i favorshëm për “La Roja” për t’u kualifikuar në raundin tjetër.
Lini një Përgjigje