FLASH
Shkruar nga Pamfleti
Një aksident i rëndë u regjistrua këtë të mërkurë në autostradën Tiranë-Elbasan, prane "TEG"-ut, ku një automjet i tonazhit të rëndë ra nga mbikalimi.
Sipas informacioneve paraprake, drejtuesi i mjetit dyshohet se humbi kontrollin gjatë lëvizjes, çka bëri që automjeti të dilte jashtë karrexhatës dhe të përfundonte poshtë urës.
Ndërkohë ende nuk dihet gjendja shendetësore e shoferit të automjetit të aksidentuar.
Shkaqet e aksidentit mbeten ende të paqarta, ndërsa pritet që grupi hetimor të zbardhë rrethanat e plota të ngjarjes.
Ndërkohë, për shkak të aksidentit, qarkullimi i automjeteve në zonë është bllokuar përkohësisht, ndërsa policia ka devijuar lëvizjen e mjeteve për të mundësuar ndërhyrjen e ekipeve të emergjencës dhe kryerjen e veprimeve hetimore.
Ky nuk është aksidenti i parë i rëndë në këtë mbikalim. Rreth tre vite më parë, në të njejtën zonë ra nga mbikalimi një automjet, duke shkaktuar një tragjedi ku humbën jetën tre të rinj: Erisilda Abedini, Sikela Përroi dhe 20-vjeçari Klevis Ruçaj.
Lajmi në përditësim....
Lini një Përgjigje