FLASH
Shkruar nga Pamfleti
Milani është kualifikuar për në çerekfinalen e Ligës së Europës, pasi eliminoi Slavian e Pragës. Të besuarit e Piolit, pas suksesit 4-2 në ndeshjen e parë, sonte në “Fortuna Arena” triumfuan 1-3.
Çekët e nisën mirë ndeshjen, duke ushtruar presion në portën e kundërshtarit. Gjithsesi, vendasit u ndëshkuan me karton të kuq në minutën e 20, me kapitenin Holes që “tradhtoi” skuadrën në momentin më të mirë.
Portieri i Slavias, Stanek bëri mrekullinë në dy raste duke ndalur Pulisiç e më pas Leaon, por goli kuqezi nuk vonoi shumë. Pulisiç zhbllokoi llogaritë, sakaq Loftus-Çik dyfishoi shifrat. Në fundin e fraksionit, Leao thelloi shifrat. Pjesa e dytë shërbeu vetëm për formalitet. Goli i nderit për Slavian mban firmën e Jurasek, fati i kualifikimit ishte vendosur tashmë, me Milanin që pret i qetë shortin.
Një biletë për në fazën tjetër siguroi edhe Uest Hemi. Ekipi i David Mojes bëri të pavlefshme humbjen 1-0 në ndeshjen e parë ndaj Frajburgut, duke mundur me goleadë gjermanët me shifrat 5-0.
Në Ligën e Konferencës, kualifikohen Fenerbahçe dhe Fiorentina.
Lini një Përgjigje