Liga e Europës

“Vendim i pritshëm, jemi të detyruar ta zbatojmë”, skuadra ruse reagon pas përjashtimit nga Liga e Europës - Sport
Sport28 Shkurt 2022, 20:33

“Vendim i pritshëm, jemi të detyruar ta zbatojmë”, skuadra ruse reagon pas përjashtimit nga Liga e Europës

Shkruar nga Pamfleti
“Vendim i pritshëm, jemi të detyruar ta zbatojmë”,

“Vendim i pritshëm, jemi të detyruar ta zbatojmë”, skuadra ruse reagon pas përjashtimit nga Liga e Europës

Spartaku i Moskës ka qenë “viktima” e parë e vendimit të FIFA-s dhe UEFA-s për përjashtimin e të gjithë ekipeve ruse nga kompeticionet ndërkombëtare. Skuadra ruse duhej të luante javën e ardhshme në Ligën e Europës, por ndeshja me Lajpcigun tashmë është anuluar dhe ekipi gjerman do të kalojë pa luajtur mes 8 skuadrave më të mira.

Një vendim të cilin vetë klubi e ka komentuar si të pritshëm, por ka lënë të kuptohet që e pranonte, edhe pse nuk ishte dakord me të.

“Ky vendim është i lidhur me pozicionin e organizatave për ngjarjet e fundit që kanë ndodhur në Ukrainë.

Vendimi i fundit që është marrë nga UEFA dhe FIFA, edhe pse i pritshëm, është jashtëzakonisht shqetësues. Për fat të keq, përpjekjet që ka bërë klubi ynë në Ligën e Europës janë anuluar për arsye që janë shumë larg objektit të sportit.

Në besojmë se sporti, edhe në kohët më të vështira, duhet të ketë si qëllim që të ndërtojë ura dhe jo t’i djegë ato. Ne jemi të detyruar të zbatojmë një vendim me të cilin nuk biem dakord.

Ne do të përqendrohemi në kompeticionet kombëtare dhe shpresojmë për një arritje të shpejtë të paqes që u nevojitet të gjithëve’, shkruan klubi rus në komunikatën e tij.

Sport Liga e Europës skuadra ruse Spartaku i Moskës