FLASH
Shkruar nga Spartak Ngjela
Sot janë nën akuzë ish presidentë, ministra e ish-kryeministra dhe goditja antikorrupsion do të vijojë me sukses duke u thelluar edhe më shumë...
I.
...Sigurisht që po; SPAK pritet të jetë shpëtimtari historik i shqiptarëve dhe Shqipërisë nga krimi më monstruoz që ëshrë kryer kundër shoqërisë shqiptare.
Korrupsioni i lartë shtetëror që, në mbi 20 vite rresht, është ushtruar kundër mirëqenies dhe jetës së shqiptarëve, është një krim monstruoz që tani ka filluar të goditet fort me të akuzuar e të arrestuar: ish kryeministra, presidentë e ministra.
Por kjo goditje do të vijojë për ta çuar këtë luftë deri në fundin e saj.
Dhe ne tani jemi të sigurt për këtë ngjarje historike me vlerë të madhe, sepse tani është e njohur që SPAK po drejtohet nga ekspertiza ndërkombëtare.
II.
Ne gjithmonë duhet të kujtohemi se shoqëria shqiptare ka qenë në rrezikun e bandës antishqiptare që vodhi dhe grabiti shqiptarët dhe Shqipërinë në mbi 20 vite rresht. Por tani po u vjen fundi. Dhe fundi i tyre tani është i sigurt.
Sot janë nën akuzë ish presidentë, ministra e ish-kryeministra dhe goditja antikorrupsion do të vijojë me sukses duke u thelluar edhe më shumë; se goditja penale antikorrupsion pritet të vijë ndaj qindra të akuzuarve në pushtetin qendror dhe atë lokal.
Dhe korrupsioni i lartë shtetëror po sokëllin kundër SPAK me fjalë boshe dhe me për përmbajtje fëminore. Kurse ndërkombëtarët tallen me ta dhe me fjalët e tyren
III.
SPAK po na çon drejt Bashkimit Evropian dhe shpëtimit të Shqipërisë nga një krim i madh historik.
Dhe për këtë ne shqiptarët duhet të falënderojmë gjithmonë politikën amerikane dhe FBI që e mori seriozisht këtë çështje për të ndihmuar Shqipërinë dhe shqiptarët, e ne po presim me ndjenjë besimi shpëtimin e plotë të shoqërisë shqiptare nga antishqiptarizmi kriminal që ka drejtuar Shqipërinë.
Shqipëria ka qenë viktimë e vjedhjes dhe abuzimit shtetëror dhe shqiptarët janë trajtuar si skllevër, duke iu shkaktuar një dëm shumë të madh në mirëqenien dhe në jetën e tyre në Shqipëri. Do t'i dëgjojmë të gjitha; se proceset penale kundër të korruptuarve të lartë do të bëhen publike nga SPAK.
Dhe duhet të kujtohemi gjithmonë se ne shqiptarët ishim tamam në prag të shkatërrimit tonë shoqëror e shtetëror nga antishqiptaria kriminale që kishte drejtuar qeveritë në Shqipëri. Kurse tani po shkojmë drejt shpëtimit.
Lini një Përgjigje