FLASH
Shkruar nga Arben Malaj
Duart e pastra në Italinë e viteve 1990-të e hoqën imunitetin e parlamentareve dhe qeveritareve dhe shpëtuan shtetin nga kabëzimi!!!
Drejtësia vs. Ekzekutivi: A është askush mbi Ligjin? Debati i fundit mbi ndryshimet në Kodin e Procedurës Penale, që synojnë t'i heqin SPAK-ut dhe Gjykatës së Posaçme të drejtën për të pezulluar nga detyra ministra apo drejtues institucionesh kushtetuese, prek direkt palcën e demokracisë: Barazinë para Ligjit.
Kur flasim për "Ndarjen dhe Balancimin e Pushteteve" (Checks and Balances), nuk nënkuptojmë që pushtetet janë "ishuj" të paprekshëm, por që ato kontrollojnë njëri-tjetrin për të parandaluar autoritarizmin.
Pse është i rrezikshëm kufizimi i pezullimit?
Nëse një ministër nën hetim për korrupsion nuk mund të pezullohet nga gjykata, krijohet një pabarazi kushtetuese:
*Dëmtimi i provave: Një zyrtar i lartë ka në dorë vulat, arkivat dhe vartësit (dëshmitarët).
Qëndrimi në detyrë i jep mundësi të asgjësojë provat e krimit.
* Presioni mbi drejtësinë: Një ministër "me imunitet de facto" përdor fuqinë e shtetit për t'u mbrojtur, duke e kthyer procesin penal në një betejë të pabarabartë.
Eksperiencat Botërore: Kur Drejtësia "preku" Ekzekutivin
Historia na tregon se demokracitë forcohen kur drejtësia nuk ndalet para zyrës së ministrit:
*Italia (Mani Pulite): Në vitet '90, prokurorët si Antonio Di Pietro shkatërruan sistemin e korruptuar të "Tangentopoli-t".
Debati ishte i njëjtë: A po ndërhyn drejtësia te politika?
Rezultati? U hoqën imunitetet dhe ligji u bë i barabartë për të gjithë, duke shpëtuar shtetin nga kalbëzimi.
*Brazili (Lava Jato): Gjyqtarët urdhëruan masa ndaj figurave më të larta, përfshirë ish-presidentin Lula. Ndonëse me debate të forta, ky proces tregoi se asnjë post nuk është "mburojë" ndaj llogaridhënies.
*Franca & Izraeli: Në Francë, ministrat si Christine Lagarde janë përballur me gjykata speciale pa e bllokuar procesin, ndërsa në Izrael, rasti Netanyahu ka treguar se qëndrimi në detyrë i një të pandehuri prodhon kriza të pafundme kushtetuese.
Përfundimi: Vija e hollë e Demokracisë
Nëse ndryshimet ligjore krijojnë "kasta" që gjykata nuk mund t'i prekë, ne nuk kemi më ndarje pushtetesh, por shkëputje të llogaridhënies.
Gjyqtari nuk "shkarkon" politikisht një ministër; ai thjesht garanton që hetimi të mos manipulohet.
Nëse kjo e drejtë i hiqet drejtësisë, atëherë "Barazia para Ligjit" mbetet thjesht një rresht i bukur në letër, por i vdekur në praktikë.
a do e kete fatin shqiperia qe PS ta heqe piktorin degradues 360°, e te ver ne krye Z. A. Malaj apo njerez si ai? ishalla. Do ishte nje lindje e vertete e diellit mbi shqiperi.
Duhete te behete refirma quarter pastrami per gjukata duhete denime me te renda
PS KA NGORDHUR O MIK ESHTE ABSOLUTISHT E SIGURTE SE NGA DITA QE DO SHPORRET RAMA PS DO TE ZHDUKET PERJETE NGA SKENA POLITKE
Ka mbaru PS qe kur u vendos Rilindja krijese e piktorit!
Po nqs nje mjek specialist, e/o nje Komision Mjeko-Ligjor, do te kerkonte/insistonte/vendoste qe nje antar i Qeverise / Keshillit te Ministrave te pezullohet nga detyra per rrezik jete e shendeti ..... cili imunitet fizik (personal e Kushtetues?!) e le akoma ne detyre?! ------------------ Mos Edvin Kristaq Rama do te akuzoje Mjekun Specialist e/o Komisionin Mjeko-Ligjor per sulm ndaj Pushtetit Ekzekutiv ?! ... ... ... e do te ndaloje me cdo kusht vendimin e Mjekut e/o te Komisionit Mjeko-Ligjor ... e deri per 3 here me radhe vendimin e formalizuar nga vete ¨pacientja¨ qeveritare ?!