FLASH
Shkruar nga Pamfleti
Pasi Prokuroria e Elbasanit shpalli moskopetencë, grupi i Laert Haxhiut do të hetohet në SPAK, nga prokurori i posaçëm Behar Dibra.
Pritet që brenda ditës së hënë, SPAK t’i drejtohet Gjykatës së Posaçme për rivlerësimin e masave të sigurisë për grupin e Laert Haxhiut.
Dosja nga Elbasani ka ardhur që në datë 20 Tetor, ndërsa prokurori pritet ta dorëzojë brenda ditës së hënë kërkesën në Gjykatën e Posaçme për rivlerësimin e masave të sigurimit.
SPAK ka studiuar thëniet e të penduarit të drejtësisë Artan Tafani.
Burimet bëjnë me dije se Tafani ka folur edhe për dy linja të trafikut të kokainës jashtë vendit. I penduari ka treguar edhe emra konkretë në lidhje me këtë çëshjte. SPAK do të nisë letërporosi drejt disa vendeve të BE-së për të mësuar më shumë mbi personat e përfshirë.
Tafani ka treguar edhe kodet e Sky ECC që janë përdorur nga grupi i Laert Haxhiut. Përpos 18 ngjarjeve kriminale që janë dokumentuar nga prokuroria e Ebasanit, Tafani ka folur edhe për krime të tjera. Thëniet e tij do të verifikohen nga hetuesit nëse lidhen me ngjarjet që kanë ndodhur dhe me proceverbalet që ka policia.
Haxhiu dhe pjesa tjetër e të arrestuarve, akuzohen se janë autorë të 4 vrasjeve në Shqipëri, si dhe për disa plane vrasjesh dhe ngjarjeve të tjera me shpërthim tritoli.
Disa prej ngjarjeve janë ende në proces verifikimi dhe hetimi.
Laert Haxhiu është i arrestuar në Greqi në pritje të vendimit të gjykatës për ekstradimin e tij drejt vendit tonë. Ai rezulton i dënuar me 18 vite burg për atentatin ndaj Xhulio Shkurtit tek komisariati i policisë në Lushnje në vitin 2016.
Ndërkohë është duke u gjykuar në SPAK për vrasjen Zamir Latifit dhe Jurgen Hoxhës, në vitin 2017. Edhe në këtë ngjarje shënjestër ishte Xhulio Shkurti, nipi i Aldo Barës.
Laert Haxhiu dhe pjesa tjetër e të arrestuarve, akuzohen se janë autorë të 4 vrasjeve në Shqipëri, 2 në Greqi dhe disa plane vrasjesh dhe ngjarjeve të tjera me shpërthim tritoli.
31-vjeçari është i arrestuar në Greqi në pritje të vendimit përfundimtar të gjykatave atje për ekstradim. Ai rezulton i dënuar me 18 vite burg për vrasjen e Gerti Lalës në vitit 2010, ndërkohë vijon gjykimi në SPAK për vrasjen Zamir Latifit dhe Jurgen Hoxhës, në vitin 2017, ngjarje në të cilën shënjestër e sulmit ishte nipi i Aldo Bares, Xhulio Shkurti.
Lini një Përgjigje