Kronike14 Prill 2023, 10:36

Familja shijonte Big Brother-in, hajdutët i vjedhin paratë në shtëpi

Shkruar nga Pamfleti

Familja shijonte Big Brother-in, hajdutët i vjedhin paratë në

Një familje në Dibër është grabitur gjatë kohës që shikonte Big Brother. Ngjarja mësohet të ketë ndodhur në banesën e familjes Manuka, duke përfituar edhe nga fakti që kryefamiljari është emigrant në Angli.

Hava Manuka ka rrëfyer të gjithë momentin kur kanë dyshuar se janë grabitur, ndërsa tregon se pasi ka bërë denoncimin në polici se i kishin vjedhur paratë, ajo tha se ka marrë edhe kërcënime.

“Ishte natë “Big Brotheri”, ishim duke parë “Big Brother” me gjithë fëmijët. Më pas, nga ora 21:30 shkova tek dhoma e gjumit dhe në momentet e reklamës po flisja me burrin në Angli. Ne ndenjëm deri nga ora 01:30, ishim në shtëpi brenda. Kur shkojmë për të rënë në gjum, djali iku tek dhoma e tij, unë fika dritat. Po ashtu vajza shkoi në dhomë sepse flemë bashkë dhe kur hapi vajza derën  ishte e mbyllur.

Burrin e kishim live, sepse po flisnim në telefon. Vajza thotë mami kanë hyrë hajdutë brenda sepse dera është e mbyllur. Djali i vogël hap derën e madhe del jashtë shtëpisë, sheh pas dritares e cila ishte hapur dhe vëren se drita ishte ndezur dhe më pas hap derën dhe ishte bërë rrëmujë . Kur pashë vendin e lekëve dhe pashë që ishin vjedhur, nuk prekëm asnjë gjë dhe lajmëruam policinë. Erdhën 3 policë, më pas erdhi ekspertiza. Na thanë se kishin ardhur nga fusha dhe po ashtu u zbulua edhe rruga që kishin ndjekur për t’u larguar. Më pas erdhën policë me qen kufiri dhe arriti deri në vendin ku kishin mbërritur autorët. Çuni e dinte se i kisha brenda, tani ne kemi dosjen në polici dhe na kanë kërcënuar. Na thonë se kemi çuar emrat në polici, ne nuk kemi dërguar asnjë emër. Na kanë kërcënuar… Unë në polici kam treguar ngjarjen që ndodhi, kam treguar se kush m’i ka sjellë paratë sepse dyshonin se nuk kam pasur para. Dy muaj para se të na grabisnin shtëpinë djali kishte ardhur nga Italia”, ka treguar ajo.

diber vjedhje big brother