FLASH
Shkruar nga Pamfleti
Genti Krasniqi, një nga emrat më të kërkuar nga Interpoli për trafik ndërkombëtar droge, është kapur në qytetin Tunja të Kolumbisë, pas gati një dekade në arrati.
Genti Krasniqi, shqiptari i konsideruar si bos droge në Kolumbi, është arrestuar nga autoritetet pas fiks 9 vitesh arrati.
Media vendase “El Tiempo” shkruan se e 62 vjeçari hyri në Kolumbi në vitin 2023 dhe qëndroi në Bogota dhe qytete të tjera periferike.
Në vitin 2016, Prokuroria e Milanos zbuloi se një apartament luksoz që përdorej nga një çift, një grua e re italiane dhe një burrë shqiptar, për të fshehur ngarkesat e heroinës që vinin nga Tirana.
Edhe pse të dy u kapën, burri arriti të largohej nga Italia duke u arratisur. Që atëherë, ai është kërkuar nga Interpoli, i cilin janarin e vitit të kaluar njoftoi homologët e tij në Kolumbi.
Raportohet se në Shqipëri, ndaj tij nuk ka asnjë akuzë.
Edhe pse kishte informacione se shqiptari ishte zhvendosur në Amerikën e Jugut, në Milano ishte një surprizë që ai ishte gjetur 8,900 kilometra larg, në qytetin e ftohtë të Tunjës.
Zyrtarët kolumbianë të Imigracionit e identifikuan menjëherë atë dhe nisën një operacion për ta kapur.
Në Boyacá, ai u prezantua si turist i huaj, por El Tiempo e gjeti emrin e tij në të dhënat e gjykatës që e identifikonin atë si anëtar të një rrjeti trafikimi droge që përdorte prostituta për t'i transportuar ato nëpër Evropë.
Nuk dihet shumë për partneren e tij, Irma Veruari, por e konfirmuar është se i ndaluari është Genti Krasniqi, 62 vjeç.
"Udhëtimi i tij në Tunja ndodhi sepse pasaporta e tij sapo kishte skaduar dhe ai besonte se në një qytet të vogël nuk do të merrte njoftimin e kuq të Interpolit", tha një burim gjyqësor për median.
Aktivitetet e tij në Kolumbi po hetohen, të cilat dyshohet se lidhen me trafikun e drogës. Në fakt, ka edhe një hetim se kush e mbrojti atë në Kolumbi dhe si arriti të hynte në vend.
Genti Krasniqi po mbahet në paraburgim, në pritje të kërkesës për ekstradim nga Milano.
Lini një Përgjigje