FLASH
Shkruar nga Pamfleti
Dy turistë gjermanë të cilët kishin mbetur të bllokuar te Ujvara e Shëngjergjit janë shpëtuar.
Pas 12 orësh kërkime, efektivët lokalizuan turistët.
Fatmirësisht të dy ndodhen në gjendje të mirë shëndetësore.
“Shërbimet e Komisariatit të Policisë Nr. 4, në bashkëpunim me Njësinë Alpine të Forcës Kombëtare të Sigurisë Tiranë, pas marrjes së njoftimit organizuan menjëherë punën për t’u ardhur në ndihmë dy turistëve gjermanë, të cilët kishin mbetur të bllokuar te Ujvara e Shëngjergjit.
Pas 12 orësh kërkimi, për shkak të terrenit të vështirë, të thepisur dhe të largësisë së zonës nga rrugët e aksesueshme me automjete, u bë e mundur lokalizimi i tyre. Dy turistët gjermanë ndodhen në gjendje të mirë shëndetësore”, njoftoi sot policia.
Lini një Përgjigje