FLASH
Shkruar nga Pamfleti
Policia e Vlorës dhe Forcat e Ndërhyrjes së Shpejtë mbrëmjen e sotme kanë zbarkuar në qytetin e Vlorës për të kryer kontrolle në lidhje me kapje e personave të shpallur në kërkim në kuadër të megaoperacionit të koduar “Tempulli”.
Burime për mediat bëjnë me dije se efektivët e RENEA-s kanë arrestuar 5 persona të armatosur në bulevardin Vlorë-Skelë dhe janë sekuestruar 2 pistoleta.
Arrestimet u kryen në sajë të një aksioni të forcave RENEA në një lokal përgjatë bulevardit, ndërkohë që efektivët kanë rrethuar zonën dhe vijojnë kërkimet.
5 të arrestuarit ishin nën survejim nga agjentët civilë të policisë dhe dyshohet se janë përplasur fizikisht me ta.
Forcat RENEA kanë vendosur shirita në lokalin në bulevard ku u kryen edhe arrestimet.
Kujtojmë se si rezultat i megaoperacionit Tempulli mbi 230 persona ranë në prangat e policisë. Të arrestuarit ishin të lidhur me grupet që shpërndanin drogë dhe lëndë narkotike nëpër qytet të ndryshme të vendit.
Nga operacioni gjithashtu mbi 80 persona u shpallën në kërkim.
Lini një Përgjigje